HAGAI 1:1 - Biblia Ilagho Jiboie Kwa Wandu Wose

¹ Mwaka ghwa kawi ghwa kubonya nguma kwa Mzuri Dario wa Pashia, ituku ja imbiri ja mori ghwa karandadu, BWANA oreghorieghe ukimtumia mlodi Hagai. Malagho ghedeeka aighu ya Zerubabeli mwana wa Shealtieli, m'baa wa Juda, na Mkohani m'baa Joshua mwana wa Jehosadaki.

HAGAI 1:1 Խաչաձեւ Հղումներ

1 WAZURI 10:15

kula na iro orekoghe ukipata kufuma kwa wandu wa biashara, na kufuma kwa wazuri wose wa Arabu na wabaa wa isanga.

1 WAZURI 14:18

Wandu wa Israeli wose wikamrika na kumlilia sa iji koni BWANA oreghorieghe kwa momu ghwa mlodi Ahija.

2 WAZURI 14:25

Jeroboamu ukawunja mano ya Israeli kufuma Mbenge ya Hamathi hata Bahari ya Chumbi, kunughana na ilagho ja BWANA uo Mlungu wa Israeli orejidedieghe kwa momu ghwa mdumiki wake Jona mwana wa Amitai, uja mlodi orefumieghe Gathi Hefa.

1 MALAGHO GHA NGELO 3:17

Kivalwa cha Jehoiakini uo oredwaloghe wunyika ni: Shealtieli,

1 MALAGHO GHA NGELO 3:19

Wana wa Pedaia ni: Zerubabeli na Shimei; na wana wa Zerubabeli ni: Meshilamu, Hanania na mruna wa waka Shelomithi;

EZRA 1:8

Ukavifunya ivo vilambo na kuvineka Mithredathi uo orekoghe m'baa wa mali ra wuzuri. Ukaandika mtalo ghwaro kwa wundu ghwa Sheshbaza m'baa wa Juda.

EZRA 10:18

Awa niwo wandu werelowueghe waka wa kighenyi, Wakohani kunughana na vichuku vawo; Kichuku cha Joshua na waruna wana wa Jehosadaki, Maaseia, Eliezeri, Jaribu na Gedalia.

EZRA 2:2

Vilongozi vawo werekoghe Zerubabeli, Jeshua, Nehemia, Seraia, Reelaia, Mordekai, Bilshani, Mispari, Bigvai, Rehumu, na Baana. Ughu nigho mtalo ghwa wandu wa womi wa wandu wa Israeli werewurieghe kufuma wubarishonyi.

EZRA 2:63

M'baa wa isanga ja Wayahudi ukawizera wisekepata ifungu jingi ja vindo vifunyiro kwa Mlungu hata upatike mkohani udimagha kulola malagho kwa Urimu na Thumimu.

EZRA 3:2

Jeshua mwana wa Jehosadaki, chiaimweri na wakohani wambao, na Zerubabeli mwana wa Shealtieli chiaimweri na wakwawo, wikawuka na kuiagha madhabahu ya Mlungu wa Israeli ekoria vizongona aighu yaro, seji iandikilo sharienyi ya Musa mundu wa Mlungu.

EZRA 3:8

Niko mori ghwa kawi, mwaka ghwa kawi nyuma ya kuwuya Jerusalemu andu Hekalu ya BWANA erekoghe, wikazoya kazi. Zerubabeli, Joshua, na waisanga wose, wakohani, na Walawi, hasa awo werewurieghe Jerusalemu kufuma wubarishonyi, wikangia kazinyi eagha. Walawi wose wa irika ja miaka mirongo iwi na kuchumba werebonyeroghe kukaia wazighaniri wa kazi eagha Hekalu sena.

EZRA 4:2

wikamchea Zerubabeli na wabaa wa kichuku chawo wikawizera, “Ndediaghe Hekalu diwose; angu dadamtasa Mlungu onyu seji koni mumtasagha, nesi dadamfunyira vizongona kwake toe kufuma ngelo ra Esarhadoni mzuri wa Ashuri uo orediredieghe aha.”

EZRA 4:24

Kazi eagha Hekalu ya Mlungu andenyi ya Jerusalemu ikasighwa; nayo erelekeloghe hata mwaka ghwa kawi ghwa kubonya nguma kwa Dario mzuri wa Pashia.

EZRA 5:1

Ngelo iyo, walodi wawi Hagai na Zekaria mwana wa Ido wikafunya wulodi kwa Wayahudi werekoghe Juda na Jerusalemu kwa irina ja Mlungu wa Israeli uo orekoghe aighu yawo.

EZRA 5:3

Ahoeni Tatenai m'baa wa isanga ja magharibi ya Moda ghwa Eufrate, Shethar-bozenai na wambao wikacha na kuwizera Wayahudi, “Nani umnekie malaghiro gheagha ihi Hekalu na kuimeria?”

EZRA 6:14

Vilongozi va Kiyahudi wikachuria kuagha na kuwona nicha kwa kusikira machilo gha Mlodi Hagai na Zekaria mwana wa Ido. Wikameria iaghi jawo sa iji koni werelaghiriloghe ni Mlungu wa Israeli, na kwa malaghiro gha Koreshi, na Dario, na Artashasta wazuri wa Pashia.

NEHEMIA 12:1

Agha nigho marina gha wakohani na Walawi werewurieghe kufuma wubarishonyi na Zerubabeli na mwana wa Shealtieli, na Mkohani M'baa Jeshua: Seraia, na Jeremia, na Ezra,

NEHEMIA 12:10

Jeshua orekoghe ndee wa Joiakimu, na Joiakimu orekoghe ndee wa Eliashibu, na Eliashibu orekoghe ndee wa Joiada,

NEHEMIA 5:14

Andenyi ya miaka yose ikumi na iwi, ngikaia m'baa wa isanga ja Juda, kufuma mwaka ghwa mirongo iwi ghwa kubonya nguma kwa Mzuri Artashasta hata mwaka ghwake ghwa mirongo idadu na iwi, ini hata kichuku chapo ndederewusireghe malipo gha vindo ivo veredifwaneghe, hasa ini sa m'baa wa isanga.

NEHEMIA 7:7

Vilongozi vawo verekoghe Zerubabeli, na Joshua, na Nehemia, na Azaria, na Raamia, Nahamani, na Mordekai, na Bilshani, na Misperethi, na Bigvai, na Nehemu, na Baana. Ughu nigho mtalo ghwa wandu wa womi wa Israeli werewurieghe wubarishonyi:

NEHEMIA 8:9

Nao iji wandu wasikira malagho gha Sharia, wikawoka kulila. Ela Nehemia uo orekoghe m'baa wa isanga, na Ezra mkohani na mwalimu wa sharia, na Walawi awo werekoghe wikifasiri sharia, wikawizera wandu wose, “Idime ni ituku jielie kwa BWANA Mlungu onyu, msekaie na wasi hata kulila.

KUFUMA 4:13

Musa ukaghamba, “Ee BWANA wapo, nakulomba kudume mundu mzima.”

HAGAI 1:12

Niko Zerubabeli na Joshua na wandu wose wiwurie kufuma wubarishonyi Babuloni, wikabonya seji BWANA Mlungu wawo oreghorieghe. Wereobueghe BWANA Mlungu na kumsikira mlodi Hagai mdumwa wa BWANA.

HAGAI 1:14

Nao BWANA ukawinyavura ngolo wandu wose wipate kubonya kazi ya Hekalu: Zerubabeli na Joshua na masighariko gha wandu wose wiwurie kufuma wubarishonyi. Wikawoka kazi eagha Hekalu ya BWANA Uwadie-Ndighi-Rose uo Mlungu wawo,

HAGAI 1:15

ituku ja mirongo iwi na inya mori ghwa karandadu, mwaka ghwa kawi ghwa kubonya nguma kwa Mzuri Dario.

HAGAI 1:2

BWANA Uwadie-Ndighi-Rose ukamzera Hagai, “Awandu waawuyaghamba wei ngelo ndeivikie eiagha Hekalu ya BWANA sena.”

HAGAI 1:3

Niko BWANA ukaghora na wandu kwa kumtumia mlodi Hagai ukighamba;

HAGAI 2:10

Ituku ja mirongo iwi na inya ja mori ghwa ikenda, mwaka ghwa kawi ghwa kubonya nguma kwa Dario, BWANA Uwadie-Ndighi-Rose oreghorieghe sena na mlodi Hagai.

HAGAI 2:20

BWANA ukaghora na Hagai indo ja kawi ijo ituku jeni ja mirongo iwi na inya ja ugho mori ghoni ukighamba,

HAGAI 2:21

“Mzere Zerubabeli, m'baa wa Juda kukaia nalighisa kusughusa mlungunyi na ndoenyi.

HAGAI 2:4

Ela idana mndungi onyu usefo ngolo. Bonyenyi kazi, angu ini nekwanye chiaimweri nenyo.

ZEKARIA 1:1

Mori ghwa wunyanya, mwaka ghwa kawi ghwa kubonya nguma kwa Dario, mzuri wa Pashia, BWANA oremnekieghe mlodi Zekaria mwana wa Berekia, wawae Ido malagho gha wulodi.

ZEKARIA 3:1

BWANA ukaniwonyera Mkohani M'baa Joshua ukikaia kimusi imbiri ya malaika wa BWANA, na Shetani uko kimusi chia ya mkonu ghwake ghwa kiwomi upate kumshitakia.

MALAKI 1:8

Welee, iji munifunyiragha nyamandu rifue meso, angu mkongo, angu wakelemeri, rikaie kizongona, ugho si wuwiwi? Oke funya iyo nyamandu kwa m'baa wako wa isanga ngera uirumiria na kuboilwa ni oho?”

LUKA 3:27

uo orekoghe mwana wa Johanani, mwana wa Resa, mwana wa Zerubabeli, mwana wa Shealtieli, mwana wa Neri,