14 Ini chiaimweri na wanjama wapo mfungade, nakuduma kwendemanya malagho aighu ya Juda na Jerusalemu ngera wawuyakaia wada kunughana na sharia ya Mlungu wako iyo kuko nayo.
Dereghendieghe isanga ja Juda ee mzuri, dikakua Hekalu ya uo Mlungu m'baa ikiaghwa na magho mabaa na mbau rawikilo wurighenyi. Kazi iyo yawuyabonywa kwa wuya m'baa, nayo yawuyaendelia nicha.
Aighu ya agho, namlaghira muwitesie kuiagha. Gharama raro rilipo ni mfuko ghwa wuzuri ripatikagha kufuma kwa kodi ipatikagha masanga gha magharibi ya Moda ghwa Eufrate, eri kazi isenono.
Narumirikie imbiri ya mzuri kwa mvono ghwa Mlungu; hata kwa wanjama wake, na wabaa wake wiwadie ndighi. BWANA Mlungu wapo waninekie wuwana ghodeda na kuwinyavurisha ngolo wabaa wa vichuku va Israeli wipate kuwuyanya na ini.”
Ngawipimia feza na dhahabu, na vombo ivo verefunyiroghe ni mzuri na wanjama wake, na wabaa wake, na wandu wa Israeli vitumiloghe Hekalunyi, ngavineka wakohani.
Wanjama wake wa matuku ghose werekoghe Karshena, Shethari, Admatha, Tarshishi, Meresi, Marsena, na Memukani; vilongozi mfungade va Pashia na Media, wiko na daraja ra ighu kwa wuzuri ghwake.
Mzuri ukamzera Danieli, “Kwa loli Mlungu wako ni Mlungu wa milungu, na BWANA wa wazuri, na mtambushiri wa ngasu, kwa kukaia oho kwachadima kuitambua ngasu ihi.”
Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.