EZRA 7:13 - Biblia Ilagho Jiboie Kwa Wandu Wose

¹³ “Nakulaghira kukaia mndungi wa wandu wa Israeli, angu wakohani wawo, angu Walawi wiko andenyi ya wuzuri ghwapo wikunde kukufunya weni wighende Jerusalemu mwadima kwendanya.

EZRA 7:13 Խաչաձեւ Հղումներ

2 MALAGHO GHA NGELO 30:5

Kwa huwo, wikawona wiereshe malagho andenyi ya Israeli yose, kufuma Beer-sheba hata Dani kukaia, wandu wiche Jerusalemu kubonya Ndima ya Pasaka ya BWANA Mlungu wa Israeli; matuku mengi ghereidieghe wiseibonyere, seji iandikilo.

EZRA 1:3

Mlungu ndekaie nenyo mmbose muko wandu wake. Ghendenyi Jerusalemu muiaghe sena Hekalu ya BWANA, Mlungu wa Israeli, uo utaswagha Jerusalemu.

EZRA 5:13

Niko mwaka ghwa imbiri ghwa kubonya nguma kwa Mzuri Koreshi wa Babuloni, Koreshi orefunyireghe momu Hekalu ihi iagho sena.

EZRA 6:1

Niko Mzuri Dario ukafunya momu maandiko gha kala ghizighano kufuma nyumbenyi ya vilambo va kala va Babuloni.

ESTA 3:15

Kwa nguma ya mzuri, itangazo iji jerefunyiroghe kwa wandu wose, andenyi ya muzi m'baa ghwa Susa, na watarashi wikajimarisha isangenyi kose kwa shwa-shwa. Mzuri na Hamani wikasea kidombo kunywa, ela wandu wa muzi m'baa ghwa Susa, wikakambwa ni chongo.

ESTA 9:14

Nao mzuri ukaghora agho malagho ghikatisho. Itangazo jikafunywa muzinyi ghwa Susa, na ija mimbi ikumi ya wana wa Hamani ikawanikwa.

ZABURI 110:3

Ituku kulwagha na wamaiza wako, wandu wako wichakufunya cha kwako. Wandu wako wa irika wichakuchea sa mami gha luma lwa nakesho aighu ya mighondi ya wueli.

ZABURI 148:6

Oreviwikieghe andu kuari vikaie kwa kala na kala; ukafunya momu ghusechaaghaluswa jingi.

DANIELI 6:26

Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.

WAFILIPI 2:13

angu Mlungu wawuyabonya kazi andenyi konyu, ukimneka nia ekunda na kubonya iro rawuyam'boia uo.

WUFUNUO 22:17

Uo Roho, na uo mwai ulowolwagha waghamba, “Choo.” Na uo mundu usikiragha ndeghambe, “Choo.” U mundu uomagha ndeche; uo ukundagha, ndeghiwuse machi gha irangi duu.