EZRA 5:11 - Biblia Ilagho Jiboie Kwa Wandu Wose

¹¹ “Wikaditumbulia huwu, ‘Isi de wadumiki wa Mlungu wa mlungunyi na ndoenyi, nesi diaagha nyumba ereaghiloghe miaka mingi isirie, iyo mzuri m'baa wa Waisraeli oreiaghieghe na kuimeria.

EZRA 5:11 Խաչաձեւ Հղումներ

KUZOYA 24:3

nani nichakughemesha kwa irina ja BWANA, Mlungu wa mlungunyi na ndoenyi, angu ndekuchaamlolia mwana wapo muka kufuma kwa Wakanaani awa nawuyakaia aghadi kwawo.

1 WAZURI 6:38

Mwaka ghwa ikumi na imweri ghwa kubonya nguma kwa Solomoni, mori ghwa wunyanya ghuwangwaghwa Buli, Hekalu yose ikamerelwa kuaghwa sa iji koni mpango ghwaro ghorekoghe. Ereaghiloghe kwa miaka mfungade.

1 WAZURI 9:10

Solomoni oreaghieghe Hekalu chiaimweri na ngome yake kwa miaka mirongo iwi.

EZRA 5:10

Wokoni dikawikotia marina ghawo dipate kukumanyisha marina gha awo wiko vilongozi.

ZABURI 119:46

Sena nichawighoria wazuri memu yako, hata sichaafwa waya anduangi.

ZABURI 136:26

Mfunyirenyi chawucha Mlungu wa mlungunyi; lukundo lwake lukatie lwadua kwa kala.

DANIELI 3:26

Niko Nebukadnezari ukasoghoda kaavui na iwiwi ja modo ukaghamba, “Shadraka, Meshaki, na Abednego, wadumiki wa Mlungu Uko Aighu Na Ndighi, fumenyi shwa-shwa, muche aha!” Nao Shadraka, na Meshaki, na Abednego wikafuma modonyi.

JONA 1:9

Ukawizera, “Ini ne Muebrania nani nadamtasa BWANA, Mlungu wa mlungunyi uo ubonyere bahari na ndoe iomie.”

MATHAYO 10:32

“Kwa huwo, uo ose uchaanirumiria imbiri ya wandu kukaia ni wapo, ini wori nichamrumiria imbiri ya Aba uko mlungunyi.

LUKA 12:8

“Nani namghoria loli, angu kula mundu uchaanirumiria ini imbiri ya wandu, Mwana wa Mdamu wori uchamrumiria imbiri ya weke malaika wa Mlungu.

MABONYO GHA WADUMI 27:23

Angu ikwau, malaika wa Mlungu wapo uo nimtasagha, orekoghe kimusi kaavui nani

WAROMA 1:16

Angu ini sijiwoniagha waya Ilagho Jiboie, kwa kukaia ni ndighi ra Mlungu remkira mundu uo ose urumiriagha; kwa Myahudi kande, na kwa Mgriki wori.

WAROMA 6:16

Ndemmanyire angu mkakufunya mmbeni kwa mndungi sa wazumba mumsikireghe, muakaia wazumba wake uo mumsikiragha; ngera ni wazumba wa kaung'a kuvikia kifwa, angu ngera ni wazumba wa kusikira kuvikia hachi?

WAGALATIA 6:14

Ela ini, nisekukase na kindo chingi, isaakaia ni ugho msalaba ghwa Bwana odu Jesu Kristo; kwa ugho, wurumwengu ghwasulubishiro kwapo, na ini kwa wurumwengu.

JOSHUA 24:15

Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”