EZRA 4:11 - Biblia Ilagho Jiboie Kwa Wandu Wose

¹¹ Na ihi niyo kopi ya barua wereidumieghe: “Kwa mzuri Artashasta, kufuma kwa wadumiki wako wandu wiko isanga ja magharibi ya Moda ghwa Eufrate.

EZRA 4:11 Խաչաձեւ Հղումներ

1 WAZURI 21:8

Niko ukaandika barua na kuringira sahihi ya Ahabu; ukarikaba mhuri ghwa Ahabu, na kuriduma kwa wabaa na vilongozi wikaianyagha na Nabothi mzinyi kwake.

EZRA 3:3

Hata huwo saki wandu werewurieghe kufuma wubarishonyi werewiobueghe wandu werekoghe aho, wereiaghieghe madhabahu andu koni erekoghe; wikawoka sena kukora vizongona va nakesho na va luma lwa kenyi.

EZRA 4:10

na wandu wazima wa iyo mbari erebarishiroghe ni Ashurbanipali mundu m'baa wa ishima, ikaghenjwa na kuwikwa mizinyi ya Samaria na andu kuzima isangenyi jiko magharibi ya Moda ghwa Eufrate.”

EZRA 4:12

“Dakunde kumanye ee mzuri kukaia waja Wayahudi werefumieghe kwako, wikacha kodu waendie Jerusalemu, nawo waawuyaagha ghuja muzi mmbiwi ghuleghaa malagho. Waawuyaagha wurigha na kuboisa msingi.

EZRA 5:6

Ihi niyo kopi ya barua iyo Tatenai m'baa wa isanga ja kimonu cha Moda ghwa Eufrate na Shethar-bozenai na wambao wabaa wa isanga ja magharibi ya Moda ghwa Eufrate weremghenjereghe Mzuri Dario.

EZRA 7:11

Ihi ni barua iyo Mzuri Artashasta oremnekieghe Ezra, mkohani sena mwalimu wa Sharia; ufundishiro malaghiro gha BWANA na sharia rake kwa wundu ghwa wandu wa Israeli:

JOHANE 4:9

Uja muka ukamzera, “Yakaia wada oho Myahudi kunilomba machi ini Msamaria?” (angu Wayahudi ndewikaiagha na wungara ghungi na Wasamaria anduangi.)