Konyuma wikakaia wikifunya vizongona vekora vose va kari kose, mafunyo gha ituku ibaa ja Mori Lukombe, na ndima ra matuku seji riwikilo, na mafunyo gha kula mundu umfunyiragha BWANA kwa ngolo.
Nao wandu wikafunya pesa kwa wundu ghwa mafundi gheagha magho na gheagha mbau; wikawighenjera wandu wa Sidoni na Tiro vindo na vinywaji na mavuda wiwiredie midi ya mierezi kufuma Lebanoni kwa bahari hata Jopa, kunughana na seji wererumiriloghe ni Koreshi mzuri wa Pashia.
“Wizere wandu wa Israeli kukaia, ituku ja imbiri ja mori ghwa mfungade, jichakaia ni ituku jehora; mjikumbuke kwa kukaba tarumbeta, nenyo m'bonye ikwanyiko ja wueli.
Mumfunyire BWANA kizongona chekora; irumba jimnukiagha nicha. Mfunye mwana wa njau umweri, bauru imweri na wana wa ng'ondi wa womi mfungade wa mwaka ghumweri wisewadie itiko jingi.