EZRA 3:5 - Biblia Ilagho Jiboie Kwa Wandu Wose

⁵ Konyuma wikakaia wikifunya vizongona vekora vose va kari kose, mafunyo gha ituku ibaa ja Mori Lukombe, na ndima ra matuku seji riwikilo, na mafunyo gha kula mundu umfunyiragha BWANA kwa ngolo.

EZRA 3:5 Խաչաձեւ Հղումներ

2 MALAGHO GHA NGELO 31:14

Kore, mwana wa Imna, Mlawi mlindiri wa mbenge ya mashariki, orekoghe mzighaniri wa vizongona vifunyiro kwa Mlungu kwa ngolo; upate kuviwagha ivo vilambo viwikilo mbai kwa wundu ghwa BWANA, na ivo va wueli vichumbie.

EZRA 3:6

Ituku ja imbiri ja mori ghwa mfungade werezoeghe kumfunyira BWANA vizongona vekora, hata ngera msingi ghwa Hekalu ghorekoghe ghuseaghilo.

NEHEMIA 10:34

Isi wandu, na wakohani, na Walawi dichakaba kura kula mwaka ewonyera ni kichuku chiao chichaafunya mbande kwa wundu ghwa vizongona vekorwa vifunywagha kwa BWANA Mlungu odu, sa iji sharia ikundagha.

JEREMIA 33:18

na wakohani wa Kilawi ndewichaasowa mundu imbiri kwapo ofunya vizongona vekora, na kukora vizongona va viro, na kufunya vizongona kwa kala na kala.”

WALAWI 1:2

“Zera wandu wa Israeli kukaia, mndungi onyu ukakareda ifunyo kwa BWANA, urede kufuma chaghenyi cha mfugho.

WALAWI 1:3

Ikakaia uafunya ng'ombe yake ikaie kizongona chekora, suti urede njau isene itiko. Uchaireda mnyangonyi ghwa Hema ekwania, eri kizongona chake chipate kurumirilwa ni BWANA.

WALAWI 23:2

“Wizere wandu wa Israeli kukaia wicharitala Ndima riwikilo ra wueli ingelo wakwanyika kunitasa.

MITALO 28:14

Vizongona varo va kunywa lita iwi ra divei kwa kula njau, na lita imweri na nusu kwa kula bauru, na lita imweri kwa kula mwana wa ng'ondi. Icho nicho kizongona chekora cha kula mori, mwaka ghose.

MITALO 28:19

Mumfunyire BWANA kizongona chekora cha wana wa njau wawi, bauru imweri, na wana wa ng'ondi wa womi mfungade wa mwaka ghumweri, wose wisewadie itiko jingi.

MITALO 28:27

Mfunye kizongona chekora chikaie irumba jimnukiagha BWANA nicha. Mfunye wana wa njau wawi, bauru imweri, na wana wa ng'ondi mfungade wa womi wa mwaka ghumweri wisewadie itiko jingi.

MITALO 29:13

Mumfunyire BWANA kizongona chekora, irumba jimnukiagha nicha; wana wa njau ikumi na wadadu, bauru iwi, na wana wa ng'ondi ikumi na bana wa mwaka ghumweri wisewadie itiko jingi.

MITALO 29:2

Mumfunyire BWANA kizongona chekora; irumba jimnukiagha nicha. Mfunye mwana wa njau umweri, bauru imweri na wana wa ng'ondi wa womi mfungade wa mwaka ghumweri wisewadie itiko jingi.

MITALO 29:39

Vizongona ivi mchamfunyira BWANA ndima renyu ra matuku ghiwikilo, kula na vizongona vekatisha ighemi, na vizongona vifunywagha kwa ngolo na vizongona venyu va viro, na va kunywa, na vizongona va mapatano.

MITALO 29:8

Ela mumfunyire BWANA kizongona chekora; irumba jimnukiagha nicha; mwana wa njau umweri, bauru imweri na wana wa ng'ondi wa womi mfungade wa mwaka ghumweri wisewadie itiko jingi;

WUKUMBUSO 12:17

Mseje ifungu jenyu ja ikumi mizinyi konyu; jikaiagha ja viro angu ja divei, angu ja mavuda, angu ja wavalwa wa imbiri wa mfugho angu ng'ondi angu malipo ghangi gha ighemi, angu makuwio ghako, angu mafunyo agho mredagha kwa kukunda.

WUKUMBUSO 12:6

na aho mchareda vizongona venyu vekora, na vizongona venyu vizima, na ifungu jenyu ja ikumi, na malipo ghefungua ighemi, na mafunyo gha kukunda kwa ngolo; wavalwa wa imbiri wa mfugho renyu na wa wana wa ng'ondi.