EZRA 10:8 - Biblia Ilagho Jiboie Kwa Wandu Wose

⁸ mndungi ukakaia usechee kwa matuku adadu, kwa malaghiro gha wabaa na waghosi uchasokwa mali rake rose; na uo moni uchasighwa kufuma kwa ugho wumweri ghwa wandu wifumie wubarishonyi.

EZRA 10:8 Խաչաձեւ Հղումներ

EZRA 10:7

Nao itangazo jikafunywa kwa Juda na Jerusalemu yose kukaia wandu wose wiwurie kufuma wubarishonyi wikwane Jerusalemu,

EZRA 10:9

Andenyi ya matuku adadu, ituku ja mirongo iwi na ja mori ghwa ikenda, wandu wose wikaiagha Juda na Benjamini wikasea kidombo a shighadi imbiri ya Hekalu ya Mlungu wikisughusika kwa wundu ghwa agho malagho mabaa na kwa wundu ghwa vua mbaa erekoghe ikinya.

EZRA 7:26

Mndungi ukalegha kuisikira Sharia ya Mlungu wako, na sharia ya wuzuri, uchatanywa karakara; ngera ni kubwaghwa, angu kubarishwa, angu kusokwa mali rake angu kufungwa jela.”

NEHEMIA 13:28

Joiada orekoghe mwana wa Mkohani m'baa Eliashibu ela mwana umu wa Joiada oremlowueghe mwai wa Sanbalati, kufuma muzi ghwa Beth-horoni, kwa huwo ngammbinga ufume Jerusalemu.

NEHEMIA 13:3

Nao iji wandu wa Israeli wasikira iyo sharia, ikishomwa, wikakutanya na wandu wose werekoghe wa kivalwa cha kighenyi.

WALAWI 27:28

“Ela kilambo chingi cha mundu ukachifunya kwa BWANA putu, ikaiagha ni mdamu, nyamandu, angu mbuwa; ndeichaauzwa hata kukombolwa; icho ni cha BWANA putu.

MATHAYO 18:17

Ikakaia na awo ndeuwisikiragha, kujighorie ikanisa, nao ngera walegha kujisikira hata ikanisa, kumtale sa mundu wa mbari zima, na sa mmbwadi wushuru.

JOHANE 16:2

Wandu wichammbinga sunagoginyi rawo, sena ngelo iacha uo ose ucham'bwagha inyo, uchaghesha wei, uamdumikia Mlungu.

JOHANE 9:22

Wavi wake wereghorieghe agho kwa kuwiobua vilongozi va Wayahudi, angu ivo vilongozi werepataneghe wei, mndungi ukamghora Jesu kukaia Kristo, uwingo sunagoginyi.

JOHANE 9:34

Wikatumbulia, “Wele kuadifundisha isi, na oho koovailwa kaung'enyi tiki?” Nao wikammbinga noko.

1 WAKORINTHO 5:13

Mlungu uwitanya waja wiko shighadi. “Mmbingenyi uja mundu mmbiwi ufume aghadi konyu.”

JOSHUA 6:19

Feza yose na dhahabu, na vilambo va shaba na chuma vichakaia wakfu kwa BWANA; vichawikwa andenyi ya mali ra BWANA.”

WATANYI 21:5

Wandu wa Israeli wikaghamba, “Ni mbari iao aghadi ya mbari ya Israeli wiserechieghe kwa ikwanyiko ja BWANA aja Mispa?” (kwa kukaia werekoghe wabonya ighemi aja Mispa wei mndungi ukakaia usechee kwa ikwanyiko ja BWANA, Uchabwaghwa.)

1 SAMUELI 11:7

Ukawada ng'ombe iwi, ukaridumbua-dumbua na kuduma vipande va nyama isangenyi jose ja Israeli ukighamba, “Uo ose usefumagha na kuwinugha Sauli na Samueli, ng'ombe rake richabonywa woruwo.” Nao kiture cha BWANA chikawiseria awo wandu, nawo wose wikafuma kwa ngolo imweri.