EZRA 10:6 - Biblia Ilagho Jiboie Kwa Wandu Wose

⁶ Nao Ezra ukawuka imbiri ya Hekalu ukaghenda chumbenyi kwa Jehohanani mwana wa Eliashibu, ukalala aho ukililia kuja kusowa wuloli kwa wandu wifumie wubarishonyi. Nderejieghe hata kunywa kindo chingi anduangi.

EZRA 10:6 Խաչաձեւ Հղումներ

EZRA 10:1

Nao iji Ezra orekoghe ukilomba na kuhea, ukilila na kughwa imbiri ya Hekalu, izungu ibaa ja wandu wa Israeli womi na waka na wanake, wikamkwanyikia wikilila nandighi kwa kuwawa.

EZRA 10:7

Nao itangazo jikafunywa kwa Juda na Jerusalemu yose kukaia wandu wose wiwurie kufuma wubarishonyi wikwane Jerusalemu,

EZRA 9:4

Niko awo wandu wose werekoghe wikiobua malagho gha Mlungu wa Israeli kwa wundu ghwa kusowa wuloli kwa awo wandu werewurieghe kufuma wubarishonyi wikakwanyika mbai-mbai yapo niko kidombo kwa wasi hata ngelo efunya kizongona cha luma lwa kenyi.

NEHEMIA 12:10

Jeshua orekoghe ndee wa Joiakimu, na Joiakimu orekoghe ndee wa Eliashibu, na Eliashibu orekoghe ndee wa Joiada,

NEHEMIA 12:22

Matuku gha Wakohani Wabaa Eliashibu, Joiada, Johanani, na Jadua vinyumba va Walawi na wakohani vereandikiloghe na kumerelwa ngelo Mzuri Dario orekoghe ukibonya nguma Pashia.

NEHEMIA 13:28

Joiada orekoghe mwana wa Mkohani m'baa Eliashibu ela mwana umu wa Joiada oremlowueghe mwai wa Sanbalati, kufuma muzi ghwa Beth-horoni, kwa huwo ngammbinga ufume Jerusalemu.

NEHEMIA 13:5

Ukamrumiria Tobia utumie chumba kibaa, cheretumilwagha kwa kuwika mafunyo gha viro, marumba, na vombo va Hekalu, mafunyo gha wakohani, na ifungu ja ikumi ja viro, divei na mavuda, agho gherenekwagha Walawi, na wabori, na walindiri wa Hekalu.

NEHEMIA 3:1

Huwu niko wurigha ghwa muzi ghoreaghiloghe sena. Mkohani m'baa Eliashibu orewukieghe chiaimweri na wakohani wambao wikaagha Mbenge ya Ng'ondi sena; wikaiwika wakfu, na kungira minyango yaro. Wikawika wakfu hata Mnara ghwa Ighana na Mnara ghwa Hananeli.

NEHEMIA 3:20

Baruku mwana wa Zabai, ukaagha luwaru lunughie hata andu kongiria nyumba ya Mkohani M'baa Eliashibu.

AYUBU 23:12

Siisighie memu yake uighorie; nadabonya lukundo lwake, sinughagha bea rapo.

ZABURI 102:4

Nakabilo ngawuya sa nyasi riomie; ngasowa bea ya vindo.

KUFUMA 34:28

Musa ukakaianya na BWANA aho matuku mirongo ina kio na dime, usejie hata kunywa kindo chingi. Ukaandika ijo ilaghano aighu ya vija vishawalata va magho, iyo memu ikumi.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

DANIELI 9:3

Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

WUKUMBUSO 9:18

Niko ngaghwa kijimijimi sena imbiri ya BWANA sa imbiri matuku mirongo ina kio na dime. Serejieghe vindo hata kunywa machi kwa wundu ghwa iyo kaung'a yose ebonya ugho wuwiwi imbiri ya BWANA, hata mkamshekeria ujoko ni machu.