EZRA 10:1 - Biblia Ilagho Jiboie Kwa Wandu Wose

¹ Nao iji Ezra orekoghe ukilomba na kuhea, ukilila na kughwa imbiri ya Hekalu, izungu ibaa ja wandu wa Israeli womi na waka na wanake, wikamkwanyikia wikilila nandighi kwa kuwawa.

EZRA 10:1 Խաչաձեւ Հղումներ

1 WAZURI 8:30

Iji ini mdumiki wako na wandu wako Israeli dalomba dikilangaya andu aha, kusikire aho mlungunyi kwako kukaiagha, kudifuye wughoma.

1 WAZURI 9:3

BWANA ukamzera, “Nameria kusikira malombi ghako na kuvoya kwako. Namerie kuiwika wakfu ihi Hekalu kuiaghie ikaie andu konitasira matuku ghose. Nichakaia ngiizighana, na kuilindia tulituli.

2 MALAGHO GHA NGELO 20:13

Wandu wose wa Juda werekaieghe kimusi imbiri ya BWANA chiaimweri na waka wawo na wana wawo aho Hekalunyi.

2 MALAGHO GHA NGELO 20:9

‘Kiwiwi chingi chikadichea, wuda, angu wukongo, angu saka izamie, angu njala, dichakaia kimusi imbiri kwako andenyi ya Hekalu ihi ekutasira, nesi dichakulilia kwa wundu ghwa makorongo ghedu, na oho kuchasikira na kudikira.’

EZRA 10:6

Nao Ezra ukawuka imbiri ya Hekalu ukaghenda chumbenyi kwa Jehohanani mwana wa Eliashibu, ukalala aho ukililia kuja kusowa wuloli kwa wandu wifumie wubarishonyi. Nderejieghe hata kunywa kindo chingi anduangi.

NEHEMIA 1:4

Niendasikira malagho agho, ngasea kidombo na kulila. Nerelilieghe na kufunga tumu kwa matuku mengi, ngilomba Mlungu ngighamba,

NEHEMIA 1:6

Kunizighane BWANA na kusikira malombi ghapo ini mdumiki wako niwilombiagha kio na dime wadumiki wako, wandu wako Israeli. Narumiria angu isi wandu wa Israeli dabonyere kaung'a. Weke wawa wapo na ini dabonyere kaung'a.

NEHEMIA 10:28

Isi wandu wa Israeli, wakohani, Walawi, walindiri wa Hekalu, wabori wa Hekalunyi wadumiki wa Hekalunyi, na waghenyi wikaiagha isangenyi kodu wikutanyire na wamzawo kwa Sharia ya Mlungu odu, na waka wedu na wana wedu wose wawuyatambukilwa ni malagho,

NEHEMIA 8:9

Nao iji wandu wasikira malagho gha Sharia, wikawoka kulila. Ela Nehemia uo orekoghe m'baa wa isanga, na Ezra mkohani na mwalimu wa sharia, na Walawi awo werekoghe wikifasiri sharia, wikawizera wandu wose, “Idime ni ituku jielie kwa BWANA Mlungu onyu, msekaie na wasi hata kulila.

ZABURI 119:136

Niadikwa ni mbori sa machi, angu wandu wisewadiagha sharia yako.

ZABURI 32:5

Niko ngairumiria kaung'a yapo kwako, hata serechivisireghe kiwiwi chapo anduangi; nereghirumirieghe makosa ghapo imbiri kwako, kukanifuya wughoma kaung'a rapo rose.

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

DANIELI 9:20

Ngachuria kulomba, na kurumiria kaung'a rapo na ra wandu wapo Israeli. Ngamvoya BWANA Mlungu wapo uiaghe sena Hekalu yake ya wueli.

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

MATHAYO 3:6

wikihea kaung'a rawo, nao ukawibaputiza modenyi ghwa Jordani.

LUKA 19:41

Nao iji wavika kaavui na ghuja muzi na kughuwona ukaghulilia,

MABONYO GHA WADUMI 10:30

Nao Kornelio ukaghamba, “Nerekoghe ngilomba Mlungu saa ikenda ra dime nyumbenyi kwapo; kufuma iyo ngelo, idime ni ituku ja kana. Ngammbona mundu uko kimusi imbiri kwapo, urwae nguwo ring'alaa-ng'ala.

MABONYO GHA WADUMI 21:5

Ela matuku ghedu ghekaia aho ghiendasia, dikaghenda imbiri na charo chedu; nawo wose chiaimweri na waka na wana, wikadifumira hata shighadi ya muzi; dikadunga ngokoro mbai-mbai ya bahari, dikalomba Mlungu na kulaghana nawo.

WAROMA 9:2

kukaia neko na wasi m'baa na ndighi, na kuwawa kusesiagha ngolonyi kwapo.

WUKUMBUSO 31:12

Muwikwanye wandu; womi, na waka na wanake, na mghenyi omara-mara uko andenyi ya mizi yawo, eri wipate kusikira na kukufundisha kumuobua BWANA Mlungu wawo, na kukulindia kughiwadia malagho ghose gha sharia ihi.

JOSHUA 7:6

Nao Joshua andwamweri na vilongozi va Israeli wikarashua nguwo rawo kwa wasi, wikaghwa kiwushu-wushu imbiri ya Sanduku ya Ilaghano, wikakudunga teri vongonyi kwawo na kuwonyera wasi ghwawo, na kulala aho hata luma lwa kenyi.

JOSHUA 8:35

Kula Sharia ya Musa ereshomeloghe ni Joshua kwa ikwanyiko jose ja Israeli, wikwanye na waka na wana, chiaimweri na wandu wawuyakaia aghadi kwawo kiwughenyi.