ESTA 7:4 - Biblia Ilagho Jiboie Kwa Wandu Wose

⁴ Kwa kukaia ini, na wandu wapo damerie kuuzwa, eri dibwagho kuseko na wughoma ghungi, dimerelo putu. Ngera wei dedeuzwa dikaie wazumba womi na waka, sakaiagha na ilagho jingi jekusumbua, nadakaia kima. Kwa kukaia wasi ghodu ndeghudimagha kukatanishwa na hasara mzuri uchaipata.”

ESTA 7:4 Խաչաձեւ Հղումներ

NEHEMIA 5:5

Idana isi deeka karakara na wambedu Wayahudi, na wana wedu weeka sa wana wawo; ela sena daawuyawifungisha ndighi wana wedu wa womi na wa waka kuwuya wazumba, na wai wamu wedu wamerie kubonywa wazumba; ela isi ndediwadie ndighi retesia ilagho iji, kwa kukaia mbuwa redu na mbuwa redu ra mizabibu ramerie kuwuswa.”

ESTA 3:13

Barua iro rikanekwa watarashi wirimarishe masanga ghose; Wayahudi wose m'baa kwa mtini, waka kwa wana wibwagho kuseko na wughoma ghungi, sena wisoko mali rawo rose. Wibwagho kwa ituku jimweri, ijo ituku ja ikumi na idadu ja mori ghwa ikumi na iwi ghuwangwagha Adari.

ESTA 3:9

Idana iji kwakunda ee mzuri, kufunye momu wandu awa witotesho, nani nalaghira kufunya feza kuchumba kilogramu maghana adadu na mirongo ina elfu, ritumilo kwa kazi ya wutawala andenyi ya wuzuri ghwako.”

ESTA 7:5

Nao mzuri Ahasuero ukamkotia Malkia Esta, “Nani udimagha kubonya ilagho jifwane huwo? Oko hao uo mundu?”

ESTA 7:6

Esta ukatumbulia, “M'maiza na mkorongi odu ni uhu mundu mmbiwi Hamani!” Nao Hamani ukangilwa ni wowa m'baa imbiri ya Malkia na mzuri.

ESTA 8:11

Barua iro, rerekoghe rikighora angu mzuri wawirumiria Wayahudi wose wiko kula isanga, wikwane kwa kulindia marangi ghawo, na kuwibwagha wandu awo wose wichaawichea na maswagha kufuma isanga ijo jose, kukunda kuwibwagha; wiwibwaghe kuseko na wughoma ghungi, chiaimweri na waka wawo na wana wawo, sena wiwisoke mali rawo.

ESTA 8:6

Ini nicharumaghia wada kuwona ughu wasi ghukiwipata wandu wapo, angu nichadima wada kuwiwona wandu wapo wikibwaghwa?”

ESTA 9:25

Ela Esta ukamghendia mzuri, na mzuri ukafunya momu kwa maandiko angu ija njama ya mikalo oreibonyereghe Hamani imghalukie moni; kukaia, uo na wana wake wibwagho kwa kuwanikwa aighu ya ghuja mudi ghobwaghia wandu.

DANIELI 6:2

Na aighu ya awo, ukawika wabaa wamu wadadu wewizighana, Danieli ukikaia umu wawo. Werewikiloghe wiredeloghe mtalo ghwa maza ra isanga ni waja wabaa, eri mzuri usepate hasara.

JOELI 3:6

Mwawadie wandu wa Juda na Jerusalemu mkawiuza kula kwa Wagriki, na kuwiwika kula na isanga jawo.

AMOSI 2:6

BWANA waghamba, “Wandu wa Israeli wabonyere kaung'a sena na sena; kwa wundu ugho nichawikaba. Wadauza wandu wa hachi wuzumbenyi awo wisedimagha kuwilipa sile rawo, wakiwa wisedimagha kulipa hata sapata.

LUKA 12:45

Ela uja mdumiki ukaghamba moni ngolonyi kwake, Bwana wapo waamuka, nao uzoye kuwikaba wadumiki wambao wa waka na wa womi, na kuja na kunywa na kuwongia,

WUKUMBUSO 28:68

BWANA uchammbunja Misri na meli, icho charo nereghambieghe kukaia jingi ndemchaachibonya sena; na aho mchakuuza mmbeni kwa wamaiza mkaie wazumba wa womi na wa waka, ela mndungi ndechaamghua anduangi.”

JOSHUA 9:23

Kwa wundu ughu mwawasirwa njowe, na wamu wenyu wichawuya wazumba weshoa mbande na kudaya machi kwa wundu ghwa nyumba ya Mlungu wapo matuku ghawo ghose.”

1 SAMUELI 22:23

Kaianya nani kusakeobua; kwa kukaia uo wawuyalola unibwaghe, nuo moni wawuyakulola; kukekanya nani, kuchakaia banana.”