ESTA 4:1 - Biblia Ilagho Jiboie Kwa Wandu Wose

¹ Nao iji Mordekai warimanya iro maza, ukarashua nguwo rake, ukarwa nguwo ya igunia na kukudunga ivu. Ukaida ghadi na ghadi ya muzi ukilila kwa lwaka na kuwawa kubaa.

ESTA 4:1 Խաչաձեւ Հղումներ

KUZOYA 27:34

Esau uendasikira malagho gha ndee, ukalila kwa luwawo lubaa na ndighi, ukamzera ndee, “Nirasimie ini na ini wori ee aba!”

KUZOYA 37:34

Nao Jakobo ukarashua nguwo rake kwa wasi, ukarwa nguwo ya igunia kiwonunyi kwake, na kumlilia mwana wake kwa matuku mengi.

2 SAMUELI 1:11

Niko Daudi na wandu wose werekwanyeghe nao wikarashua nguwo rawo kuwonyera wasi.

2 SAMUELI 13:19

Tamari ukakudunga ivu chongonyi, ukarashua jija irinda jake ilacha orejirwaeghe, ukaduka mikonu yake chongo, ukaghenda ukikema na kulila.

ESTA 4:2

Ukaghenda hata mbengenyi ya ngome kwa mzuri, ela nderengirieghe andenyi anduangi, kwa kukaia mndungi ndererumiriloghe kungia andenyi ya ngome urwae nguwo ya igunia.

ESTA 4:3

Itangazo ja mzuri jiendamanyika masanga ghose, chikakaia kililo kibaa kwa Wayahudi wose. Wose wikalila wikisirimika, wikafunga tumu, wikilila na kukema mchungu, na wengi wawo wikirwa nguwo ra magunia na kulala maivunyi.

AYUBU 1:20

Ayubu ukawuka, ukarashua nguwo yake kwa wasi, ukaara iridia jake ukaghwa andonyi ukatasa.

AYUBU 2:8

Ayubu ukawada luwigha lokusuwa, ukasea kidombo a ivunyi.

AYUBU 42:6

Nakumenya ini moni, na kuhea ngisea kidombo aterinyi na ivunyi.”

ISAYA 15:4

Wandu wa Heshboni na Eleale, wialila, chwaka rawo rasikirika hata Jahazi. Kwa huwo masikari gha Moabu wiakema wikilila, wandu wose wa isanga wiasughusika.

ISAYA 22:4

Niko ngaghamba, “Nileke! Nisighe nilile kwa kuwawa, hata kusesumbuke kuninyamirisha, angu nawawa ni uko kunoneka kwa wandu wapo.”

ISAYA 37:1

Nyuma ya Mzuri Hezekia kusikira malagho ghawo, ukarashua nguwo rake kwa wasi, ukakurusha nguwo ra magunia, na kughenda Hekalunyi kwa BWANA.

ISAYA 37:2

Ukawiduma Eliakimu uo orekoghe m'baa wa nyumba ya mzuri, na Shebna uo orekoghe muandiki na wakohani wabaa wirwae nguwo ra magunia, wighende kwa Isaya mwana wa Amozi.

ISAYA 58:5

Munizera uku ni kufunga tumu nerekusaghueghe ini, wei mundu ukusere kwa wasi na kughoghomesha chongo chake sa lunyasi, na kurwa nguwo ra magunia chiaimweri na kulala ivunyi? Mwadima kughamba uku ni kufunga tumu na ituku nijirumiriagha ini BWANA?

EZEKIELI 21:11

Kwa huwo, lufu lwafunywa lupate kuzughulwa na kutumilwa; lwakalishwa lukazughulwa lupate kunekwa mundu obwagha.

EZEKIELI 21:6

“Kwa huwo soria ngolo ee mwana wa mdamu; kusorie ngolo kwa kuwawa imbiri kwawo.

DANIELI 9:3

Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

MIKA 1:8

Niko Mika ukaghamba, “Kwa wundu ghwa ilagho iji nichalila na kukema mchungu; nichaghenda na maghu maduu niko mtughuta; nichakema sa kikwau, na kulila sa nyagha, kuwonyera wasi ghwapo.

ZEFANIA 1:14

Ijo ituku ibaa ja BWANA jameria kuvika; jaawuyacha naiseghe jikishashira; kusikirika kwa ijo ituku ja BWANA kwabirie; kwa kukaia hata ing'oni ja asikari m'baa jichafwa ngolo na kulila.

MATHAYO 11:21

“Ni bugha kwako Korazini! Ni bugha kwako Bethsaida! Kwa kukaia weke mwakilimbiti werebonyeroghe kwako, ngera wedebonyerwa Tiro na Sidoni, kumangu wamerie kuhea koicho wikirwa nguwo ra magunia na kukudunga maivu.

MABONYO GHA WADUMI 14:14

Ela iji wadumi Barnaba na Paulo, weresikireghe ilagho ijo, wikarashua nguwo rawo wikafuma izungunyi na iseghe wikighamba,

JOSHUA 7:6

Nao Joshua andwamweri na vilongozi va Israeli wikarashua nguwo rawo kwa wasi, wikaghwa kiwushu-wushu imbiri ya Sanduku ya Ilaghano, wikakudunga teri vongonyi kwawo na kuwonyera wasi ghwawo, na kulala aho hata luma lwa kenyi.

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”