ESTA 3:7 - Biblia Ilagho Jiboie Kwa Wandu Wose

⁷ Nao mwaka ghwa ikumi na iwi, ghwa kubonya nguma kwake mzuri Ahasuero, mori ghwa imbiri ghuwangwaghwa Nisani, Puri (Yaani kura) ikakabwa imbiri ya Hamani, upate ituku na mori ghufwanagha ghokatisha mpango ghwake. Ituku jerepatiroghe ni kura, ni ja ikumi na idadu ja mori ghwa ikumi na iwi, ghuwangwaghwa Adari.

ESTA 3:7 Խաչաձեւ Հղումներ

EZRA 4:6

Iji Ahasuero orezoeghe kubonya nguma, wamaiza wa wandu werekoghe wikikaia Juda na Jerusalemu wereandikieghe barua ya mashitakio aighu ya wandu wa Juda na Jerusalemu.

EZRA 6:15

Hekalu ihi eremereloghe ituku ja kadadu ja mori ghwa Adari, mwaka ghwa karandadu ghwa kubonya nguma kwa Mzuri Dario.

NEHEMIA 2:1

Mori ghwa Nisani, mwaka ghwa mirongo iwi ghwa kubonya nguma kwa Mzuri Artashasta nerewadieghe divei ngamneka mzuri. Nani jingi sewoneka niko na wasi imbiri kwake sa ijo ituku.

ESTA 1:3

Nao mwaka ghwa kadadu ghwa kubonya nguma kwake, mzuri Ahasuero orewibonyereghe karamu vilongozi na wadumiki wa serikali yake. Majeshi gha Pashia na Media wori gherekoghe, chiaimweri na wabaa wa masanga na wandu wabaa wa ishima.

ESTA 2:16

Nao mwaka ghwa mfungade ghwa kubonya nguma kwake mzuri Ahasuero, mori ikumi na isanu ghuwangwaghwa Tebethi, Esta ukaghenjwa ngomenyi kwa mzuri.

ESTA 9:1

Nao ituku ja ikumi na idadu ja mori ghwa ikumi na iwi, nagho nigho mori ghwa Adari, jikavika. Ijo nijo jerekoghe ituku jekatisha itangazo ja mzuri na wamaiza wa Wayahudi awo werekoghe wikisuwiria kuwisima. Ela ituku ijo jikaghaluka kukaia ja Wayahudi kuwisima wamaiza wawo, kuchumba seji awo weresuwirieghe.

ESTA 9:21

Ukawilomba angu wijibonye ituku ja ikumi na inya na ikumi na isanu ja mori ghwa Adari, kukaia matuku mabaa gha kuhora kwawo kula mwaka.

ESTA 9:5

Kwa huwu Wayahudi wikawikaba wamaiza wawo kwa kuwidema na chufu, na kuwitotesha; wikabonya sa iji koni werekundieghe weni.

MAKATANISHO 16:33

Wandu wadakaba kura, emanya lukundo lwa Mlungu, ela BWANA nuo ufunyagha matumbulio.

MATHAYO 27:35

Hata iji wameria kumsulubisha, wikawaghiana nguwo rake kwa kukaba kura;