AYUBU 38:28 - Biblia Ilagho Jiboie Kwa Wandu Wose

²⁸ “Vua yawadie ndee? Nani uvagha matanda gha mami?

AYUBU 38:28 Խաչաձեւ Հղումներ

KUZOYA 27:28

Mlungu ndekuneke gha mami gha mlungunyi, na gha manori gha ndoenyi, na wungi ghwa viro na divei.

KUZOYA 27:39

Nao ndee Isaaka ukaghamba: “Ola oho kuchakaia kula na manori gha ndoenyi, wokoni kuchakaia kula na mami gha mlungunyi.

2 SAMUELI 1:21

“Inyo mighondi ya Gilboa, mami na vua isewoneke konyu, hata mbuwa renyu risebuke kindo chingi; kwa kukaia aho niko ngao ya ing'oni eredaghiloghe kwa lumenyo ngao ya Sauli ndeichaazugulwa na mavuda sena.

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

AYUBU 29:19

Nerekoghe sa mudi miri yaro inywagha machi ngelo rose, na mbashu raro rikitonya machi kio chee.

AYUBU 36:27

Mlungu nuo uwusagha machi kufuma ndoenyi, na kughighalusa ghiwuye vua.

AYUBU 36:28

Wanyesha vua kufuma mawingunyi, na kuwineka wadamu kwa wungi.

AYUBU 38:8

“Nani orevingieghe machi gha bahari, ingelo gherevungukagha embelonyi kwaro?

ZABURI 147:8

Wadafinikira mlungunyi na mawingu, na kubonya vua kwa wundu ghwa ndoe; wadabusa nyasi aighu mighondinyi.

MAKATANISHO 3:20

Kwa hikima yake, meda yaisa machi, na mawingu ghanyesha vua.

JEREMIA 10:13

Ukakaba lukuwa, machi gha mlungunyi ghadaruruma, wadabonya mawingu ghijoke kufuma ndoenyi. Wadareda luhehia na vua, na kuweta kwa mbeo kufuma andu kwaro.

JEREMIA 14:22

Eko milungu ingi ya tee ya iro mbari ra wandu idimagha kureda vua? Hata mawingunyi kuekeri ndekudimagha kureda mishushure. Wele si oho kumoni kubonyagha agha ghose, ee BWANA Mlungu odu? Nesi dawika isuwirio jedu kwako.

JEREMIA 5:24

Ndewighoragha ngolonyi kwawo, ‘Ndedimuobuo BWANA Mlungu odu, uo udinekagha vua kwa vimu varo; vua ya sumesu na vua ya kwari, uo udiwikiagha vimu va makuwido.’

HOSEA 14:5

Nichakaia kwa wandu wa Israeli, sa vua kwa ndoe iomie wichaghoka sa maua; wichadunga miri sa midi ya Lebanoni.

JOELI 2:23

“Boilonyi inyo wandu wa Sioni, mumzumie BWANA, Mlungu onyu kwa agho um'bonyere. Wamnekie vua ya kwari na ya sumesu, wanyeshere vua sa iji koni orekoghe ukibonya imbiri.

AMOSI 4:7

Nereghirieghe vua isenye ingelo eresighiloghe meri idadu tu ekuwida. Ngakaia nginyesha vua muzi ghumu na kuima muzi ghumu; vua erenyieghe mbuwa imu, na mbuwa imu ndeerenyieghe hata viro vikaoma.

MATHAYO 5:45

eri mpate kukaia wana wa Ndeyo onyu uko mlungunyi. Angu uo wadawilangalishira mwengere ghwa iruwa awo wiko wecha na wawiwi, na kuwinyeshera vua wahachi na wakaung'a wori.

WUKUMBUSO 33:13

Na kwa wundu ghwa mbari ya Josefu ukaghora, “BWANA ndeirasimie ndoe yawo kwa kuinyeshera vua na machi ghifumagha andoenyi nakosi,

WUKUMBUSO 33:28

Kwa huwo inyo kivalwa cha Jakobo mduo moyo kwa sere mkaie banana andenyi ya isanga ja viro na divei, andu mami gha mawingunyi ghinyosheragha ndoe.