AYUBU 23:10 - Biblia Ilagho Jiboie Kwa Wandu Wose

¹⁰ Elaima Mlungu waichi mighendo yapo; ukameria kunitima, nichawoneka nielie sa dhahabu.

AYUBU 23:10 Խաչաձեւ Հղումներ

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

ZABURI 66:10

Kwaditimie ee Mlungu; kwaditimie seji feza ieleshwagha kwa modo.

MAKATANISHO 17:3

Feza na dhahabu radatimwa kwa modo; ngolo radatimwa ni BWANA.

ZABURI 17:3

Kukanitima ngolo yapo, na kunichea nakio, iji kwanitima, ndekuchaawona wuwiwi ghungi andenyi kwapo anduangi. Ini sidedagha kiwiwi chingi.

WAEBRANIA 11:17

Kwa irumirio, Abrahamu uendatimwa ni Mlungu, oremfunyireghe Isaaka ukaie kizongona; hata ngera orekoghe wapata agho malaghiro, ela ukakaia tayari kumfunya mwana wake wa ititi;

2 TIMOTHEO 2:19

Ela msingi ghwa Mlungu ghwamange, nagho ghwawadie mhuri ughu: “Bwana wawimanya awo wiko wake,” sena, “Uo ose ujighoragha irina ja Bwana, suti utane na wuwiwi.”

JOHANE 21:17

Jesu ukamkotia sena indo ja kadadu, “Wele Simoni mwana wa Johane, kwanikunde?” Petro ukangilwa ni wasi angu oremkotereghe indo ja kadadu, kwanikunde? Ukamzera, “Bwana oho kwavimanya vilambo vose, kwaichi angu nakukunde.” Jesu ukamzera, “Kuzighaneghee ng'ondi rapo.

ZABURI 1:6

BWANA wadawighenja wahachi, ela wawiwi wichatoteshwa.

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

2 WAZURI 20:3

“Nakulomba idana kunikumbuke ee BWANA, seji nighendie kwa wuloli imbiri kwako kwa ngolo yose, ngibonya agho ghikuboiagha;” Hezekia ukalila nandighi.

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

1 WAKORINTHO 3:15

Ngera kazi ya mndungi yahia, uo mundu uchapata hasara; hata ngera uo moni uchakia, ela ni sa kufufunuka modo.

AYUBU 6:29

Kadunyi; msenisowie hachi. Msenitanye; ini neko na hachi.

AYUBU 7:18

Kwadamzighana kula nakesho, na kumtima kula ngelo.

AYUBU 23:7

Ini neko mloli; nadima kudedanya na Mlungu, unitanye kukaia sine ikosa jingi.

AYUBU 23:9

Ukakabonya kazi cha kaskazinyi simmbonagha; ukaghaluka cha kusinyi, sidimagha kummbona.

AYUBU 31:6

Mlungu ndenitanye kwa hachi, nao uchawona kukaia siwadie ikosa jingi.

ZABURI 7:9

Ee Mlungu wa hachi, kuzighanagha nia na ngolo ra wandu; meria kiwiwi cha wandu wizamie, na kuwimangisha wahachi.

ZABURI 11:5

BWANA wadawitima wahachi na wawiwi, nao wadazamilwa ni wang'eti.

2 SAMUELI 22:22

Kwa kukaia nererilindirieghe chia ra BWANA, hata seretaneghe na Mlungu wapo kwa kubonya wuwiwi anduangi.

AYUBU 10:7

Oho kwawuyamanya wori siwadie ikosa jingi, na sena ndekuwadie mndungi udimagha kunifunya mikonunyi kwako anduangi.

AYUBU 31:4

Mlungu waichi kula ilagho nijibonyagha; wawuyawona seji nighendagha.

AYUBU 33:9

‘Naelie, sina ikosa jingi; neko nicha, siwadie wuwiwi ghungi.

JEREMIA 12:3

Ela oho BWANA kwaniichi, oho kwadaniwona na kunitima seji nikuichi oho. Wifunye noko sa ng'ondi riendaabwaghwa, kuwiwike kula kwa ituku jawo jebwaghwa.