AYUBU 21:30 - Biblia Ilagho Jiboie Kwa Wandu Wose

³⁰ Kukaia, mundu mmbiwi nuo ukirwagha ngelo ya ndengwa, na kukaia ingelo Mlungu wakakaba wandu kwa machu ghake, nuo usighwaghwa?

AYUBU 21:30 Խաչաձեւ Հղումներ

AYUBU 20:28

Vilambo va nyumbenyi kwake vichadukwa noko; vichakurudulwa noko ituku ja machu gha Mlungu.

AYUBU 20:29

Iji nijo iwaghio ja mundu mmbiwi kufuma kwa Mlungu; ijo ifwa jake jilaghirilo ni Mlungu.”

AYUBU 21:17

“Jingi kwawonie taa ya mmbiwi irimishiro? Jingi kwawonie ungi wawo ukipatwa ni wasi? Jingi Mlungu wamkabie mmbiwi kwa machu ghake?

AYUBU 21:20

Wakaung'a ndewikabo weni kwa wundu ghwa kaung'a rawo; ndewiwone machu gha Uo-Uwadie-Ndighi-Rose seji ghiko.

AYUBU 21:29

Wele jingi ndemkotere wandu widambagha? Ndemwuerumiria wushuhuda ghwawo.

AYUBU 21:31

Ndekuwadie mndungi udimagha kumshitakia mundu mmbiwi worinyi, hata kumlipisha kwa wundu ghwa makosa ghake ubonyere.

AYUBU 31:3

Wasi ghwadawipata awo wisene hachi, na matiriro ghadawipata awo wibonyagha kiwiwi.

AYUBU 40:11

Wizighane wandu wikujosere; wiwonyere machu ghako kuwisere.

AYUBU 8:20

“Mlungu ndemleghagha mundu usewadie ikosa, hata ndemtesiagha mundu mmbiwi.

ZABURI 110:5

Bwana oko chia ya mkonu ghwako ghwa kiwomi; ituku ujokwagha ni machu, uchawitotesha wazuri.

ZABURI 73:5

Ndewijagha wasi sa wandu wazima, hata ndewipatwagha ni bugha ringi sa wandu wazima.

MAKATANISHO 11:4

Mali nderine fwaida ngelo ekabwa ni Mlungu, ela hachi yakiragha mundu na kifwa.

MAKATANISHO 16:4

BWANA oobonya maza rose kukatisha makusudi ghake, hata wawiwi weewikwa kwa ituku ja wasi.

JEREMIA 41:15

Ela Ishmaeli mwana wa Nethania ukafufunuka kufuma kwa Johanani, ukwanye na wandu wunyanya ukaghenda cha kwa Waamoni.

NAHUMU 1:2

BWANA ni Mlungu wa iriso ulipiagha kisasi. Wadawikaba awo wimtangalagha, na kuwibonyera machu wamaiza wake.

ZEFANIA 1:15

Ituku ijo jichakaia ja machu mabaa; ituku ja wasi na kuwawa, ituku ja kunoneka, ituku ja kira na kiture, ituku ja mawingu na kira kibaa;

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

JOSHUA 10:18

Ukawizera wandu, “Bingilishenyi igho ibaa mnyangonyi ghwa iyo mbanga, mmbike walindiri wamu aho;

2 PETRO 3:7

Ela kwa ilagho ijo jeni, mlungunyi na ndoenyi riko idana rawikilwa modo; naro raawuyawikwa hata ijo Ituku ja Kutanywa, na kutoteshwa kwa wandu wisemuobuagha Mlungu.

JUDA 1:13

Wafwanana na mivo-mivo ya bahari iwadie ndighi, na mabonyo ghawo gha waya ghawoneka sa ifuo jaro jidikagha; wakaia sa nyerinyeri rimaraa-mara, nawo wawikilo kira kibaa cha kala na kala.

WUFUNUO 6:17

angu ituku ibaa ja machu ghawo jameria kucha, nao nani udimagha kujirumaghia?”