AYUBU 21:14 - Biblia Ilagho Jiboie Kwa Wandu Wose

¹⁴ Wandu wawiwi wadamzera Mlungu, ‘Fuma kodu! Ndedikunde kurimanya chia rako.

AYUBU 21:14 Խաչաձեւ Հղումներ

AYUBU 22:17

Ni wandu weremleghieghe Mlungu, wikarumiria kukaia ndedimagha kuwibonya ilagho jingi.

WAROMA 8:7

Kwa kukaia mundu uririkanyagha ra mumbi ni m'maiza wa Mlungu; angu ndeusikiragha Sharia ya Mlungu, nao loli ndeudimagha kuisikira anduangi;

ZABURI 10:4

Mundu mmbiwi ukukasire ndemtalagha BWANA; wadaghesha ngelo rose Mlungu ungi ndeuko.

MAKATANISHO 1:29

Kwa kukaia morezamiloghe ni kumanya, mkalegha kumuobua BWANA.

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.

LUKA 8:37

Nao waisanga wose wa Gerasinyi, wikamlomba ufume mzawo; angu werengiriloghe ni wowa m'baa. Jesu ukangia mashuonyi ukawuya.

LUKA 8:28

Nao iji wammbona Jesu, ukakema na kughwa imbiri kwake, na kughamba kwa lwaka lubaa, “Kwakunde kunibonya wada Jesu Mwana wa Mlungu Uo-Uko-Aighu-Nandighi? Nakuvoya kusenitirire.”

HABAKUKI 1:15

Wababuloni wadawiwada wandu kwa ndoana sa samaki, na kuwiruda cha shighadi kwa nyavu yawo; wawikwanya andenyi ya nyavu yawo mbaa, nawo waboilwa na kuseka.

MAKATANISHO 1:22

“Inyo wakelu, mkaia wakelu hata lii? Mseka hikima kwa lumenyo hata lii? Wakelu wizamilwa ni kumanya hata lii?

MAKATANISHO 1:7

Kuobua kwa BWANA niko kuzoya kwaro kumanya; wakelu wadamenya hikima, na mafundisho mecha.

ZABURI 10:11

Uo mundu mmbiwi waghamba ngolonyi kwake, “Mlungu waliwa; wafinikira wushu ghwake hata ndeniwonagha.”

AYUBU 34:27

kwa kukaia waghalukie nambai wikalegha kumnugha hata ndewiritalie chia rake rose.

AYUBU 35:10

Ela mndungi ndemlolagha Mlungu Muumbi wake, uo unekagha wandu isuwirio ngelo wakambwa ni chongo.

ISAYA 30:11

Muisighe chia ya Mlungu, hata msesikire ilagho jingi ja Mlungu Mweli wa Israeli.”

JEREMIA 9:6

Ndewilekagha makorongo, na makalio. Nawo walegha kunimanya ini, waghamba BWANA.

ZABURI 95:10

Kivalwa icho cherenivavirieghe ngolo kwa miaka mirongo ina. Ngaghamba, “Ni wandu wisenisikiragha, hata ndewitalagha Sharia rapo anduangi.”

JEREMIA 2:31

Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’