AYUBU 15:21 - Biblia Ilagho Jiboie Kwa Wandu Wose

²¹ Wadasikiragha chwaka reobosha, na ngelo ugheshagha oko nicha, uchachelwa ni viting'a.

AYUBU 15:21 Խաչաձեւ Հղումներ

AYUBU 18:11

Wachulwa ni wowa ii chia na ii chia; wakimbirishwa kula andu.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.

WALAWI 26:36

“Na wamzenyu wisigharikagha wubarishonyi, nichawingiria kiture cheobua wamaiza wawo, hata malemba ghapotolwa ni mbeo, ghichawibonya wikimbie sa iji wandu wikimbiagha wudenyi; nawo wichaghwa kuseko na kuwingwa ni mndungi.

1 WAKORINTHO 10:10

Hata disakezughunuka, sa iji wamu wawo werebonyereghe; wikatoteshwa ni uja M'bwaghi.

WUFUNUO 9:11

Reko na mzuri aighu yawo, uo malaika wa kina cha abuso; irina jake kwa Kiebrania wawangwa Abaddoni na kwa Kigriki ni Apolioni.

ZABURI 92:7

kukaia, hata ngera wawiwi wabuka sa nyasi, na wabonyi kiwiwi wose kughenda imbiri, watanyiro witote kwa kala na kala;

AYUBU 27:20

Uchawadwa ni wowa seji uamilwa ni machi mengi; nakio uchadukwa noko ni kiremba.

2 WAZURI 7:6

Kwa kukaia BWANA orekoghe wabonya ijeshi ja Wasiria wisikire chwaka ra magare na farasi, na tiri ra ijeshi ibaa; wikaririkanya wei mzuri wa Israeli waakodisha majeshi gha mzuri wa Wahiti na gha mzuri wa Misri, wipate kulwa nawo.

AYUBU 15:24

Wangilwa ni kiture cha wasi na matiriro; viasimana nao sa mzuri ukuboisire kwa wuda.

AYUBU 18:14

Wafunywa nyumbenyi andu orekaiagha nicha; wafunywa uwonane na Mzuri Kifwa.

AYUBU 20:21

Ukaja ndesigharagha kindo chingi, kwa huwo ndechaakaia na kilambo chingi.

AYUBU 22:10

Kwa wundu ugho kwamarwa ni shaghala chia rose, na kupatwa ni kiture cha shwa-shwa.

AYUBU 24:17

Kira kibaa kwawo wose ni sa dime; ndewichiobuagha icho kira kibaa.

MAKATANISHO 10:24

Icho mundu mmbiwi uchiobuagha nicho cheni chichaamchea, ela mhachi uchanekwa icho uchikunde.

ESTA 7:6

Esta ukatumbulia, “M'maiza na mkorongi odu ni uhu mundu mmbiwi Hamani!” Nao Hamani ukangilwa ni wowa m'baa imbiri ya Malkia na mzuri.

MAKATANISHO 28:1

Wandu wizamie wadakimbia, hata ngera ndewiwuewingwa ni mndungi; ela wandu wa hachi weko na wuwana sa ghwa shimba.

JEREMIA 6:26

BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.