AYUBU 12:14 - Biblia Ilagho Jiboie Kwa Wandu Wose

¹⁴ Ukavuchua, mndungi ndewuyaagha; ukafunga mundu jela, ndefungulwagha ni mndungi.

AYUBU 12:14 Խաչաձեւ Հղումներ

KUZOYA 7:16

Rose rerengiriloghe ra womi na ra waka sa iji koni Mlungu oremlaghirieghe; nao BWANA ukamrughia andenyi.

AYUBU 11:10

Mlungu ukacha na kukufungia jela ima ukuwange kutanyonyi, nani udimagha kumghiria?

AYUBU 16:11

Mlungu wanisighia kwa wandu wawiwi; wanikumba kwa wandu nikabo.

AYUBU 19:10

Wanivuchue kula andu ngasia; waniinjire isuwirio japo sa mudi ghwakulwa.

AYUBU 37:7

Wadaghiria kula mundu usebonye kazi yake, eri wandu wose wipate kurimanya kazi rake.

MCHILI 7:13

Ririkanya seji Mlungu ubonyere; nani udimagha kughorua icho Mlungu uchikomeshere?

ISAYA 14:23

Nichaghubonya ugho muzi ghuwuye malalo gha kiseseghede na kubuka vichi; nani nichaguinja kwa mfwagio ghototesha; ini BWANA wa majeshi naghamba.”

ISAYA 22:22

Nani nichamneka mfunguo ghwa nguma ya nyumba ya Daudi; ucharughua na mndungi ndechaarugha, ucharugha na mndungi ndechaarughua.

ISAYA 25:2

Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.

JEREMIA 51:58

Wurigha mshapa ghwa Babuloni ghuchaghushwa hata andoenyi, na mbenge rake riko ighu richakorwa, wandu wichadumika duu, na kazi rawo rose wawuyabonya richakorwa, Ini BWANA wa majeshi naghamba.”

JEREMIA 51:64

nao kughambe, ‘Babuloni ichaneng'ena machinyi huwu, hata isedime kuwuyajoka sena kwa wundu ghwa ugho wuwiwi niirediagha.’” Uko niko kutua kwa malagho gha Jeremia.

EZEKIELI 26:14

Nichakubonya kuwuye lwalwa luduu; kuchawuya andu koanikia nyavu ra wawadi samaki; ndekuchaaghwa sena anduangi; ini Bwana MLUNGU naghamba.”

MALAKI 1:4

Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’”

WAROMA 11:32

Angu Mlungu oowiwika wandu wose wikaie andenyi ya wundu ghumweri ghwa kulemwa kusikira, eri upate kuwifuya wughoma wose.

WUFUNUO 3:7

“Na uo malaika wa ikanisa ja Filadelfia kumuandikie huwu: ‘Agha ni malagho gha uo Mweli, uo mloli, uo uko na ugho mfunguo ghwa Daudi; uo ukarughua, mndungi ndedimagha kurugha; ukarugha, mndungi ndedimagha kurughua anduangi.

1 SAMUELI 17:46

Idime jeni iji, BWANA uchakungira mikonunyi kwapo, nani nichakubwagha na kudumbua chongo chako; nani nicharineka nyonyi ra mbeonyi gharia ra mimbi ya majeshi gha Wafilisti idime, chiaimweri na nyamandu ra isakenyi riko ndoenyi; na ndoenyi kose wandu wichamanya kukaia, oko Mlungu andenyi ya Israeli;

1 SAMUELI 24:18

Na idime kwawonyera seji kunibonyere nicha kwa kuleghanibwagha ingelo BWANA uningirieghe mikonunyi kwako.

1 SAMUELI 26:8

Nao Abishai ukamzera Daudi, “Linu niko Mlungu wamngira m'maiza wako mikonunyi kwako; idana leka nimdunge na ifumu hata jiide na ndonyi indo jimweri tu, siwuriagha ja kawi.”