AMOSI 6:14 - Biblia Ilagho Jiboie Kwa Wandu Wose

¹⁴ BWANA Uwadie-Ndighi-Rose waghamba, “Olenyi nichamredia ijeshi ja kighenyi isangenyi konyu, ee wandu wa Israeli, nawo wichamkoronga kufuma mbembe ya Hamathi cha kaskazinyi hata kamoda ka Araba cha kusinyi.”

AMOSI 6:14 Խաչաձեւ Հղումներ

1 WAZURI 8:65

Solomoni ukabonya Ndima ya Viwanda chiaimweri na wandu wa Israeli wose ahoeni Hekalunyi kwa matuku mfungade. Korekoghe na ikwanyiko ja wandu ibaa na ndighi kufuma Mbenge ya Hamathi cha kaskazinyi hata mwano ghwa Misri cha kusinyi.

2 WAZURI 14:25

Jeroboamu ukawunja mano ya Israeli kufuma Mbenge ya Hamathi hata Bahari ya Chumbi, kunughana na ilagho ja BWANA uo Mlungu wa Israeli orejidedieghe kwa momu ghwa mdumiki wake Jona mwana wa Amitai, uja mlodi orefumieghe Gathi Hefa.

2 WAZURI 15:29

Matuku gha Peka mzuri wa Israeli, Tiglathi-pileseri mzuri wa Ashuru, ukacha na kuikaba mizi ya Ijoni, Abel-beth-maaka, Janoa, Kedeshi, Hazori, Gileadi, na Galilaya, isanga jose ja Naftali; ukadwa wandu wunyika hata Ashuru.

2 WAZURI 17:6

Mwaka ghwa ikenda ghwa Hoshea, niko mzuri wa Ashuru uwadie muzi ghwa Samaria, ukadwa Waisraeli wunyika hata Ashuru na kuwiwika muzi ghwa Hala, kaavui na Moda ghwa Habori, isanga ja Gozani hata na andenyi ya mizi ya Wamedi.

ISAYA 7:20

“Ngelo iyo, Bwana uchatumia mzuri wa Ashuru kuandika kinyozi kwa ngelo vui kufuma kimonu cha Moda ghwa Eufrate omuara maridia gha vongonyi konyu, mafuri gha maghu ghenyu na sombe renyu.

EZEKIELI 47:20

“Mpaka ghwa magharibi ghuchakaia Mediterania kughenda cha kaskazinyi hata kuvikia magharibi Hamathi. Ulo luchakaia luwaru lwa magharibi.

HOSEA 10:5

Wandu wikaiagha muzi ghwa Samaria wichaobua na kulila kwa wundu ghwa mlimu ghwa ngache ya dhahabu ghwa Beth-aveni. Wandu awo chiaimweri na wakohani wighudumikiagha wichalila kwa kuwona wubaa ghwaro seji ghwainjwa.

AMOSI 3:11

Kwa huwo BWANA waghamba huwu, “M'maiza uchajimara isanga jako, na kuchikanya mawurigha ghako, na kuwusa vilambo viko andenyi ya ngome rako.”