AMOSI 6:1 - Biblia Ilagho Jiboie Kwa Wandu Wose

¹ Ni bugha konyu inyo mkaiagha kwa raha Sioni na kwa inyo mmbonagha kukaia moko nicha Samaria; inyo wandu wabaa wa iyo mbari mbaa ya Israeli wesuwirilwa ni wandu wa Israeli.

AMOSI 6:1 Խաչաձեւ Հղումներ

1 WAZURI 16:24

Ukaghua mghondi ghwa Samaria kwa Shemeri kwa vibelele va feza elfu irandadu. Omri ukaagha ngome aighu yaro; ukaghuwanga Samaria kunughana na irina ja Shemeri, mundu wa imbiri wa ugho mghondi.

ZABURI 123:4

Dasekelo luma ni wazuri wa mali, na kumenywa ni wakorongi wikukasire.

MAKATANISHO 1:32

Wandu wisemanyagha wiabwaghwa ni kulegha hikima, na wukelu ghwawo ghuchawitotesha.

ISAYA 33:14

Wakaung'a wikaiagha Sioni wiasughusika kwa wowa, awo wandu wisemuobuagha Mlungu wakaia na wowa wikighamba, “Nani udimagha kukaia kimusi kwa kutanya kwa Mlungu kuko sa modo ghubirie? Nani aghadi kodu udimagha kukaianya na modo ghwa kala na kala?”

JEREMIA 2:3

Israeli orekoghe wapo, mavalo gha imbiri gha makuwido ghapo; Wose werekukorongieghe nerewitalieghe kukaia wakosi, mawiwi ghikawichea.”

JEREMIA 48:11

BWANA waghamba, “Moabu orekoghe na raha kufuma wanake ghwake, utumbanyikie sa divei, jingi iseghalusiro kudungirilwa chombo kizima, hata jingi ndedwalo wunyika; kwa huwo wadadua na luwala, na irumba jake ndejighalukie.

JEREMIA 49:31

“Wukenyi mkabe iyo mbari yawuyakuhoresha na kukurumiria cheni; iyo isewadie mbenge hata mirigho ingi, iyo ikaiagha iekeri.

JEREMIA 5:5

Nichawighendia vilongozi, nani nichaghora nawo; kwa kukaia awo waiichi chia ya BWANA, iyo sharia ya Mlungu wawo.” Ela wose kwa nia imweri waleghie kubonyerwa nguma ni BWANA, na kulegha kumsikira.

JEREMIA 7:4

Msakeghirumiria agha malagho gha tee gheghora, ‘Ihi ni Hekalu ya BWANA, Hekalu ya BWANA, Hekalu ya BWANA.’

KILILO CHA JEREMIA 1:1

Muzi ghwa Jerusalemu ghorechuloghe ni wandu ghwasighwa wada mduu! Muzi ghorenekeloghe ishima ni wurumwengu ghwakaia wada idana sa muka mkiwa! Muzi ghuboie kuchumba yose ghwangirie wuzumbenyi.

AMOSI 3:2

“Ni inyo mmbeni neremmanyireghe aghadi ya mbari rose ra ndoenyi; kwa wundu ugho, nichamkaba kwa wundu ghwa makosa ghenyu ghose.”

AMOSI 3:9

Tangazirenyi wandu wikaiagha ngome ra Ashdodi na ngome ra isanga ja Misri muwizere, “Kwanyikenyi aighu ya mighondi ya Samaria; mzighane iyo ndoghoi iko aho, na makorongo ghawuyabonyeka aghadi yaro.”

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

AMOSI 5:27

ingelo nichamfunya mdwalo wunyika cha isanga jiko kimonu cha Dameshki;” waghamba BWANA uo uwangwagha Mlungu Uwadie-Ndighi-Rose.

AMOSI 8:14

Awo wandu wighemagha kwa milimu ya Samaria, wikighamba, ‘Kwa mlungu ghwa Dani’ angu ‘Kwa mlungu ghwa Beer-sheba’ wandu awo wichaghwa hata ndewiichaawuka sena.”

AMOSI 9:10

Wakaung'a wose wa wandu wapo wichabwaghwa wudenyi, awo wighambagha, ‘Isi ndedidimagha kupatwa ni ilagho jingi.’”

MIKA 3:1

Sikirenyi inyo wabaa wa Israeli! Welee, si inyo msuwirilwagha kuitala hachi?

ZEFANIA 1:12

“Ngelo iyo, nichashoa taa nimlole Jerusalemu; nani nichawikaba awo wandu wikudukagha weni wikighamba, ‘BWANA ndebonyagha ilagho jingi icha angu iwiwi.’

JAKOBO 1:18

Kwa kukunda kwake moni, oredivaeghe kwa ilagho ja loli, dipate kukaia mavalo gha imbiri gha maumbo ghake.

JAKOBO 5:5

Mwaawuyakaia ndoenyi mkibonya maseko na kuboilwa; mwarilisha ngolo renyu kwa wundu ghwa ituku ja kubwaghwa.

1 PETRO 5:7

Mumkumbie uo wasi ghonyu ghose, angu wawuyamtala inyo.

WATANYI 18:7

Niko awo wandu wasanu wikafuma na kughenda muzi ghwa Laishi; wikawona seji awo wandu wiko nicha sa wandu wa Sidoni; wiko na sere, wisene kiture chingi, wisesowie kindo chingi chiko ndoenyi, wiwadie mali; nawo werekoghe kula na Wasidoni, hata ndewereranganeghe na mndungi anduangi.