AMOSI 3:15 - Biblia Ilagho Jiboie Kwa Wandu Wose

¹⁵ Nicharichikanya nyumba ra sumesu na ra kwari. Na iro nyumba ripambilo na mbembe ra chovu nicharitotesha na iro nyumba mbaa richanonwa putu,” waghamba BWANA.

AMOSI 3:15 Խաչաձեւ Հղումներ

1 WAZURI 22:39

Malagho ghose Ahabu oreghibonyereghe, na ija nyumba oreiaghieghe ya mbembe ra chovu; na mizi yose oreiaghieghe ghaandikilo andenyi ya Chuo cha Malagho gha Ngelo cha wazuri wa Israeli.

ZABURI 45:8

Marwao ghako ghanuka marumba gha manemane, uudi na mdalasini. Kwadaboilwa ni chwaka ra zeze, rikabwagha andenyi ya ngome ra wazuri; riaghilo na mbembe ra chovu.

ISAYA 5:9

Bwana waghemie huwu ngisikira, “Loli nyumba nyingi mbaa sena righokie, richasighwa nduu risena wandu wekaia.

JEREMIA 36:22

Edeeka ni ngelo ya kwari, mori ghwa ikenda; na mzuri odeeka andenyi ya ngome yake ukaiagha ngelo ya kwari, ukioda modo ghwa maka ghorekoreloghe aho.

AMOSI 2:5

Kwa huwo nichaduma modo aighu ya Juda, nagho ghuchakora ngome ra Jerusalemu.”

AMOSI 3:11

Kwa huwo BWANA waghamba huwu, “M'maiza uchajimara isanga jako, na kuchikanya mawurigha ghako, na kuwusa vilambo viko andenyi ya ngome rako.”

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

AMOSI 6:11

BWANA ukafunya momu, nyumba mbaa na ndini richachikanywa vipande vipande.

MALAKI 1:4

Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’”

WATANYI 3:20

Niko Ehudi ukamchea uko kidombo uekeri andenyi ya chumba chake cha mbeo, ukamzera, “Neko na malagho ghafuma kwa Mlungu kwa wundu ghwako.” Nao mzuri ukawuka kimusi.