AMOSI 2:9 - Biblia Ilagho Jiboie Kwa Wandu Wose

⁹ “Elaima sena inyo wandu wapo, nerewitoteshereghe Waamori kwa wundu ghonyu, wandu werekoghe walacha seji ni midi ya sida, wiko na ndighi sa mialoni, ela ngawitotesha kufuma wa ighu hata wa ndonyi.

AMOSI 2:9 Խաչաձեւ Հղումներ

KUZOYA 15:16

Kivalwa chako cha kana chichawuya aha, angu wuwiwi ghwa Waamori ndeghukate ghokabwa anduangi.”

1 MALAGHO GHA NGELO 1:14

nawo niwo wicheewuya Wajebusi, na Waamori; na Wagirgashi,

AYUBU 18:16

Miri yake yaoma nandonyi, na mbashu rake raoma naighu.

KUFUMA 3:8

niko nasea nipate kuwikira kufuma mikonunyi kwa Wamisri; niwifunye na kuwireda isanga jiboie, ibaa, isanga jinorie nandighi; isanga ja Mkanaani, Mhiti, Muamori, Mperizi, Mhivi, na Mjebusi.

KUFUMA 34:11

Kuiwadie memu yapo nichaakuneka idime. Ola, nichawiwinga imbiri kwako Waamori, Wakanaani, Wahiti, Waperizi, Wahivi, na Wajebusi.

ISAYA 10:33

Zighanenyi Bwana, Uo BWANA wa majeshi uchawidema-dema sa mbashu ra midi kwa ndighi rake reobosha; na uo ukujosere na kukaia ighu uchaserwa.

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

EZEKIELI 17:9

“Idana wizere, Ini Bwana MLUNGU naghamba huwu, Welee, loli ughu mzabibu ghukaia nicha? Ija indu ndeighukuagha na kuridumbua mbashu raro hata ivo vishekero varo viome? Ndeghukunde ndighi nyingi, hata wandu wengi weghuruda na kughukua.

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MITALO 32:13

Na BWANA ukajokwa ni machu aighu ya wandu wa Israeli, na kuwibonya wimare-mare kireti miaka mirongo ina, hata icho kivalwa chose cherebonyereghe mawiwi, chikasia.

WUKUMBUSO 1:28

Dijoka cha hao? Wanidu wadibwagha ngolo wikighamba, awo wandu ni wabaa, sena ni walacha kudichumba, mizi nayo ni mibaa iko na ngome riaghilo na kuvika mawingunyi; sena dawiwonie Waanaki aho.’

WUKUMBUSO 3:11

(Ogu mzuri wa Bashani nuo oresigharikieghe uekeri wa agho masighariko gha Warefai. Wuli ghwake ghorekoghe ghwa chuma, nagho ghwaduagha ghukiwoneka aho Raba kwa Waamoni; ghorekoghe na wulacha ghwa meta inya na wushapa ghwa kaavui meta iwi kunughana na vipimo va matuku ghose).

JOSHUA 10:12

Ituku ijo BWANA orewinekieghe Waisraeli wusimi aighu ya Waamori. Joshua oreghorieghe na BWANA ukaghamba imbiri ya Waisraeli wose, “Iruwa, kumange aighu ya Gibeoni, Mori, kumange aighu ya vololo ya Aijaloni.”

JOSHUA 3:10

Mchamanya kukaia Mlungu oko aghadi konyu, na angu ndechaalemwa ni kuwifunya Wakanaani, Wahiti, Wahivi, Waperizi, Wagirgashi, Waamori, na Wajebusi kwa chia ihi: