AMOSI 2:15 - Biblia Ilagho Jiboie Kwa Wandu Wose

¹⁵ Mundu uwadie ndana uchasimwa, na uo uko na iseghe, ndechaakukira moni hata uo ujokagha farasi wori ndechaakira irangi jake anduangi.

AMOSI 2:15 Խաչաձեւ Հղումներ

MCHILI 9:11

Sena nawonie andenyi ya wurumwengu ughu kukaia, wandu wa iseghe ibaa siwo wangi wisimagha misarigho ngelo rose, na mang'oni sigho ghangi wisimagha wudenyi ngelo rose. Wandu wa hikima ndewipatagha vindo ngelo rose, na wandu wa suku ndewipatagha mali ngelo rose, hata si awo wiko na wuya witalikagha kuchumba anduangi; ela kula mundu wadakwana na mzwana ghwake.

ISAYA 31:3

Wamisri ni wadamu tu si Mlungu kungi; farasi rawo ni nyamandu riko na mimbi, si roho ringi. BWANA ukaghorua mkonu ghwake, mbari ya wandu iwadie ndighi ichakuwa, na iyo mbari yaawuyateselwa ichaghwa; na huwo wose wichatota.

JEREMIA 51:56

Mtoteshi wameria kucha aighu ya Babuloni; masikari ghake ghawadwa, na ndana rawo rachikanywa-chikanywa, kwa kukaia ini BWANA ne Mlungu olipia, nani kwa loli nichalipia kisasi.

EZEKIELI 39:3

Nichaikaba ndana yake iko mkonu ghwake ghwa kiwaka, na kughipotua mawanu ghake mkonu ghwake ghwa kiwomi.

AMOSI 9:1

Neremmbonieghe BWANA wakaia kimusi mbai na mbai ya madhabahu ukighamba, “Kaba koighu nguronyi ra Hekalu hata vizingiti visughusikie; kuvichikanye-chikanye aighu ya chongo cha kula mundu; mndungi ukasigharika, nicham'bwagha wudenyi. Ndekuwadie ungi uchaakimbia angu kufufunuka.

HAGAI 2:22

Nichabingilisha mawuzuri na kurimeria ndighi ra mawuzuri gha iro mbari. Nichaghibingilisha magare gha wuda na awo wighijokagha; farasi richafwa na wajoki farasi waro wichabwaghana weni na weni.

ZEKARIA 10:5

Wandu wa Juda wichakaia wasimi sa masikari wifashagha wamaiza wawo a mazozonyi chienyi. Wichalwa na kuwisima wajoki farasi, angu BWANA oko andwamweri nawo.