2 WAZURI 9:6 - Biblia Ilagho Jiboie Kwa Wandu Wose

⁶ Nao ukawuka ukangia nyumbenyi, na uja mlodi wa irika ukamdunga mavuda chongonyi kwake ukighamba, “BWANA waghamba, Nakushinga mavuda kupate kukaia mzuri aighu ya wandu wapo Israeli.

2 WAZURI 9:6 Խաչաձեւ Հղումներ

1 WAZURI 1:34

na aho mkohani Zadoku na mlodi Nathani wimdunge mavuda uwue mzuri wa Israeli, nao mkabe tarumbeta mghambe, ‘Mzuri Solomoni ndeduo moyo!’

1 WAZURI 10:9

BWANA Mlungu wako ndekaso! Wawonyera seji uboilo ni oho kwa kukuwika kukaie mzuri wa Israeli. Kwa kukaia Mlungu wawikunde Israeli kwa kala na kala, wakuwikie kukaie mzuri wawo, eri kupate kubonya gha loli na gha hachi.”

1 WAZURI 14:7

Ghenda kumghorie Jeroboamu kukaia BWANA, uo Mlungu wa Israeli waghamba, ‘Nerekusaghueghe oho aghadi ya wandu, na kukubonya kukaie kilongozi cha wandu wapo Israeli;

1 WAZURI 16:2

“Nerekujosereghe oho kufuma terinyi, ngakubonya kilongozi wa wandu wapo Israeli, ela korenughieghe kaung'a ra Jeroboamu, kukawishekeria wandu wapo Israeli kubonya kaung'a. Kwanibonyere nijoko ni machu kwa wundu ghwa kaung'a rawo.

1 WAZURI 19:16

na Jehu mwana wa Nimshi kumdunge mavuda uwuye mzuri wa Israeli, na Elisha mwana wa Shafati wa Abel-mehola, kumdunge mavuda uwuye mlodi wulalo ghwako.

1 WAZURI 3:8

Na ini mdumiki wako neko aghadi ya wandu wako korewisaghueghe; wandu wengi wisetalikagha.

2 WAZURI 9:3

Niko kuwade ichupa ya mavuda, kumdunge chongonyi kukighamba, ‘BWANA waghamba, Nakushinga mavuda kukaie mzuri aighu ya Israeli.’ Nao kurughuo mnyango, kufume kukimbie; kusemuke.”

2 WAZURI 9:5

ukakua wabaa wa majeshi wiko mwandunyi, ukaghamba, “Neko na malagho kwako, ee m'baa wa ijeshi.” Jehu ukaghamba, “Ni uao aghadi kodu?” Ukatumbulia, “Ni kwako, ee m'baa wa ijeshi.”

2 MALAGHO GHA NGELO 22:7

Ela ugho ghodeeka ni mpango ghwa Mlungu ghomtotesha Ahazia kwa chia eghendamzighana Joramu. Angu uendaghenda aho, orefumieghe na Joramu kuendammara Jehu mwana wa Nimshi, uo BWANA oremshingieghe mavuda upate kuitotesha nyumba ya Ahabu.

ZABURI 2:6

Uchaghamba, “Nameria kummbika mzuri wapo Sioni, ugho mghondi ghwapo ghwa wueli.”

ZABURI 75:6

Kujoswa ndekufumagha mashariki angu magharibi, hata ndekufumagha kireti anduangi.

ISAYA 45:1

BWANA wamerie kumsaghua Koreshi ukaie mzuri; nao wamerie kummbika upate kurisima mbari ra wandu. Wamduma na kuwisoka wazuri nguma rawo, na kurughua minyango iyo erekoghe irughilo imbiri kwake; ukimzera:

DANIELI 2:21

Wadaghalua ngelo na vimu; wadainja wazuri na kuwika wazuri. Wadawineka hikima awo wiko na hikima, na kumanya kwa awo witambukilwagha.

DANIELI 4:17

Kutanya uko kwanughana na sharia idumbulo na kutangazwa ni weke malaika waeli wichereshagha, eri kutua wandu wiko moyo wimanye kukaia Uo-Uko-Aighu-Nandighi wadabonyera mawuzuri ghose gha wadamu nguma, nao wadamneka uo ose umkundagha, na kumjosa uo uko mnyonge.’

DANIELI 4:32

Oho kuchaghenjwa noko kufume kwa wandu, kukaianye na nyamandu ra isakenyi, kuje nyasi sa ng'ombe kwa miaka mfungade, hata kwameria kukufundisha kukaia Uo Uko Aighu Na Ndighi wabonyeragha mawuzuri gha wadamu nguma, na kumneka uo ose ukundagha.”

1 SAMUELI 10:1

Niko Samueli ukawada chupa ya mavuda, ukamdiria Sauli chongonyi kwake; ukamsusugha ukighamba, “Nechi BWANA nuo wakushinga mavuda kupate kuwibonyera nguma wandu wake Israeli. Kuchabonya nguma aighu ya wandu wa BWANA, na oho kuchawikira wisekabo ni wamaiza wawo wiko mbai mbai yawo. Alama ewonyera kukaia BWANA wakushinga mavuda kukaia mzuri aighu ya wandu wake ni ihi:

1 SAMUELI 2:7

BWANA wadawiwunja wandu wakiwa, sena wadawiwunja wazuri; wadawisera wandu na kuwijosa sena.

1 SAMUELI 2:8

Wadamjosa mkiwa ufume terinyi, wadammbusira uo usowie ufume kitungasinyi cha ivu; upate kuwibonya wisee kidombo chiaimweri na wabaa, wipate ifwa ja malalo gha ishima. Angu nguro ra ndoenyi ni ra BWANA, na aighu yaro waghuwikirie wurumwengu.