2 WAZURI 8:7 - Biblia Ilagho Jiboie Kwa Wandu Wose

⁷ Elisha ukaghenda cha Dameshki; na Ben-hadadi mzuri wa Siria orekoghe mkongo. Mzuri Ben-hadadi ukaghorelwa kukaia mlodi Elisha wacha aho.

2 WAZURI 8:7 Խաչաձեւ Հղումներ

KUZOYA 14:15

Aho ukawaghanya wandu wake nakio, ukawingiria, ukawikaba na kuwisima, ukawiwinga hata Hoba kaskazinyi ya Dameshki.

1 WAZURI 11:24

Orekoghe wawikwanya wandu chiaimweri na kubonya izungu ja viting'a, uo moni ukikaia kilongozi wawo. (Malagho agha gherebonyekieghe ingelo Daudi oremsimieghe Hadadezeri na kubwagha ijeshi jake ja Siria.) Rezini na wandu wake wikaghenda na kukaia Dameshki, na wandu wake wikam'bonya ukaie mzuri aho.

1 WAZURI 13:1

Nao mlodi ukasea kufuma Juda wadumwa ni Mlungu kughenda Betheli. Ukamkua Jeroboamu uko kimusi madhabahunyi ufukire marumba.

1 WAZURI 15:18

Niko Asa ukawada feza na dhahabu eresigharikieghe Hekalunyi na ngomenyi ya mzuri, ukaduma wadumiki wiighenje kwa Ben-hadadi mwana wa Tabrimoni, wawae Hezioni mzuri wa Siria, uo orekoghe ukibonya nguma Dameshki, na wudumwa ughu:

1 WAZURI 20:1

Ben-hadadi mzuri wa Siria ukakwanya ijeshi jake jose ukiteselwa ni wazuri mirongo idadu na wawi wiko na farasi na magare. Wikajoka na kughurughaia muzi ghwa Samaria na kughukaba.

1 WAZURI 20:34

Ben-hadadi ukaghamba, “Nichawunja ija mizi erewusiroghe ni aba kufuma kwa ndeyo sena kwadima kuzoya biashara muzi ghwa Dameshki seji aba orebonyereghe muzi ghwa Samaria.” Ahabu ukamzera, “Kwa agho mapatano, nichakulekeria kughende.” Nao wikabonya ilaghano ukamlekeria ukaghenda.

2 WAZURI 1:2

Mzuri Ahazia ukapotoka kufuma idirishenyi ja chumba cha ngome yake gorofenyi aja Samaria, ukashoghonoka; ukaduma wandu wikotie Baalzebubu, mlungu ghwa Ekroni ngera uboa.

2 WAZURI 2:15

Kipughi cha walodi awo werekoghe Jeriko wiendammbona ukiruwuka cha kwawo, wikaghamba, “Roho wa Elija wamkaria Elisha.” Wikacha kummara; wikaghoghoma imbiri kwake hata andonyi,

2 WAZURI 5:20

Gehazi, uja mdumiki wa mlodi Elisha ukaghamba, “Zighana bwana wapo wamlekeria uhu Naamani, Msiria ughende; hata vilambo wamredia wavilegha! Naghema kwa Mlungu uko moyo, nichamnugha nipate kilambo chimu kwake.”

2 WAZURI 6:12

M'baa umu wake ukaghamba, “Ii hata bwana wapo mzuri; mndungi odu ndeko huwo. Ela ni Elisha, uja mlodi uko Israeli, nuo ummanyishagha mzuri wa Israeli malagho kwaghidedia hata andenyi ya chumba chako chelala.”

2 WAZURI 6:24

Konyuma Ben-hadadi mzuri wa Siria ukakwanya ijeshi jake jose, ukajoka na kughurughaia muzi ghwa Samaria.

2 WAZURI 8:6

Hata iji wamkotia uja muka wuloli ghwa agho malagho, ukamghoria kukaia ni loli. Niko mzuri ukammbanga m'baa umu, ukamdumanya na uja muka ukighamba, “Wunjenyi kula kilambo cha uhu muka, chiaimweri na mavalo gha mbuwenyi kwake kufuma ituku jija ufumie aha hata linu.”

ISAYA 7:8

Kwa kukaia muzi m'baa ghwa Siria ni Dameshki, na m'baa waro ni Mzuri Resini. Na kwa wundu ghwa Israeli andenyi ya miaka mirongo irandadu na misanu, wichakaia wameria kusaghisika wisekaie mbari sena.

JEREMIA 40:5

Kawona kuasigharika, kuwuye kwa Gedalia mwana wa Ahikamu wawae Shafani, uo uwikilo ni mzuri wa Babuloni ukaie m'baa wa mizi ya Juda. Kukaianye nao aghadi ya wandu, angu kughende andu uko kose kuwonagha kuchakufwana.” Niko uo m'baa wa majeshi ukanineka vindo vimu na manosi, ukanisigha nighende.

MABONYO GHA WADUMI 17:6

Hata iji wawisowa, wikamkurudua Jasoni andwamweri na wanidu wamu, na kuwireda kwa wabaa wa muzi wikikema na kughamba kwa lwaka lubaa, “Awandu wighughalusire wurumwengu, hawa wacha aha;

WUKUMBUSO 33:1

Agha ni marasimio uo mundu wa Mlungu Musa oreghifunyireghe kwa wandu wa Israeli imbiri usefue.

WATANYI 16:2

Wagaza wikaghorelwa, “Samsoni wacha aha.” Wikakumara andu aho na kumlaliria mnyangonyi ghwa mbenge kio chee. Wikanyama kima chui kio chose wikighamba, “Ndediweserie hata ndoe iele, dipate kum'bwagha.”