2 WAZURI 8:5 - Biblia Ilagho Jiboie Kwa Wandu Wose

⁵ Nao iji Gehazi orekoghe ukimghoria mzuri seji Elisha oremrukishireghe mwana orefueghe, uja muka (uo mwana wake orerukishiroghe) ukacha kwa mzuri kwa wundu gholomba nyumba yake na mbuwa yake. Niko Gehazi ukaghamba, “Ola bwana wapo mzuri, uhu nuo uja muka mwana wake orerukishiroghe ni Elisha, na mwana moni hoyu.”

2 WAZURI 8:5 Խաչաձեւ Հղումներ

1 WAZURI 20:1

Ben-hadadi mzuri wa Siria ukakwanya ijeshi jake jose ukiteselwa ni wazuri mirongo idadu na wawi wiko na farasi na magare. Wikajoka na kughurughaia muzi ghwa Samaria na kughukaba.

2 WAZURI 4:12

Ukamzera mdumiki wake Gehazi uendemmbanga uja Mshunami. Uendammbanga, uja muka ukacha ukakaia kimusi imbiri kwake;

2 WAZURI 4:35

Nao ukawuka, ukasela-sela; ukajoka sena na kukughorua aighu ya uja mwana. Nao mwana ukatinya mando mfungade, ukalavua meso.

2 WAZURI 6:12

M'baa umu wake ukaghamba, “Ii hata bwana wapo mzuri; mndungi odu ndeko huwo. Ela ni Elisha, uja mlodi uko Israeli, nuo ummanyishagha mzuri wa Israeli malagho kwaghidedia hata andenyi ya chumba chako chelala.”

2 WAZURI 6:26

Nao ikakaia iji mzuri wa Israeli orekoghe ukisela-sela aighu ya wurigha ghwa muzi, muka umu ukamlilia ukighamba, “Nitesie ee bwana wapo mzuri.”

2 WAZURI 8:6

Hata iji wamkotia uja muka wuloli ghwa agho malagho, ukamghoria kukaia ni loli. Niko mzuri ukammbanga m'baa umu, ukamdumanya na uja muka ukighamba, “Wunjenyi kula kilambo cha uhu muka, chiaimweri na mavalo gha mbuwenyi kwake kufuma ituku jija ufumie aha hata linu.”

ESTA 5:14

Nao muka wake Zereshi na waghenyi wake, ukamneka agha maghesho: “Wele uo mundu ndabonyerwagha mudi ghuko na wulacha ghwa meta mrongo iwi na iwi, nao kesho kughore na mzuri Mordekai ubwagho kwa kuwanikwa aighu yaro? Niko aho kuchaangia karamunyi na mzuri kuko na kuboilwa.” Hamani ukaboilwa ni agho maghesho, ukaghuboisa ugho mudi ghobwaghia wandu.

ZABURI 145:1

Nichakukuma oho Mlungu wapo na mzuri wapo; nichajikasa irina jako kwa kala na kala.

MAKATANISHO 16:9

Mdamu wadakupangia chia rake moni, ela BWANA nuo umlongozagha.

MCHILI 9:11

Sena nawonie andenyi ya wurumwengu ughu kukaia, wandu wa iseghe ibaa siwo wangi wisimagha misarigho ngelo rose, na mang'oni sigho ghangi wisimagha wudenyi ngelo rose. Wandu wa hikima ndewipatagha vindo ngelo rose, na wandu wa suku ndewipatagha mali ngelo rose, hata si awo wiko na wuya witalikagha kuchumba anduangi; ela kula mundu wadakwana na mzwana ghwake.

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

RUTHU 2:3

Ruthu ukaghenda cha mbuwenyi, ukakaia ukiwinugha na nyuma awo wandu werekoghe wikikuwida, ukashoa agho masighariko gha vanga va viro werevisighieghe, na kwa bahati, iyo mbuwa erekoghe ni ya Boazi uo orekoghe wa kichuku cha weke Elimeleki.

1 SAMUELI 26:17

Sauli ukalumanya lwaka lwa Daudi ukakotia, “Welee ni oho kumoni mwanwapo Daudi?” Daudi ukatumbulia, “Ni ini moni ee bwana wapo mzuri.”