2 WAZURI 8:1 - Biblia Ilagho Jiboie Kwa Wandu Wose

¹ Idana Elisha oremzerieghe uja muka Mshunami, uo oremrukishirieghe mwana wake, ufume jija isanga, uhamie andu kuzima uko kose uchaakuwona. Kwa kukaia BWANA uchareda njala isangenyi jija kwa miaka mfungade.

2 WAZURI 8:1 Խաչաձեւ Հղումներ

KUZOYA 12:10

Korekoghe na njala isangenyi, na Abramu ukasea Misri, ukaie aho kwa ngelo; angu njala erekoghe mbaa.

KUZOYA 26:1

Nao njala zima ikabuka sena iseko ija erekoghe ngelo ra Abrahamu. Isaaka ukaghenda Gerari kwa Abimeleki mzuri wa Wafilisti.

KUZOYA 41:25

Nao Josefu ukamzera mzuri, “Ndodo ya mzuri ni imweri. Mlungu wamfunukuya mzuri ijo walighisa kubonya.

KUZOYA 41:32

Uko kuwurilwa kawi kwa ndodo ya mzuri ni kughamba, Mlungu wamerie kujipanga ilagho ijo putu, sena uchajikatisha kafwani.

KUZOYA 41:54

na miaka ya njala ikazoya sa iji koni Josefu oreghorieghe. Njala ikakaia masanga ghose, ela isanga jose ja Misri jerekoghe na vindo.

KUZOYA 47:4

Sena wikachuria kughora, “Daacha dikaie sa waghenyi andenyi ya isanga iji kwa kukaia njala yakaia mbaa isanga ja Kanaani, hata ndediwadie andu kolishira mfugho redu. Kwa huwo dakulomba kudirumirie dikaie isanga ja Gosheni.”

2 SAMUELI 21:1

Matuku gha Daudi, korekoghe na njala inughane kwa miaka idadu; Daudi ukamlomba BWANA aighu ya ilagho ijo. BWANA ukaghamba, “Koko na wuwiwi ghodia bagha kwa Sauli na kivalwa chake; angu werewibwaghieghe Wagibeoni.”

2 SAMUELI 24:13

Nao Gadi ukacha kwa Daudi ukamghoria; nao ukamzera, “Saghua jimu ja agha malagho adadu; Miaka idadu ya njala ingie isangenyi kwako; angu kuwingwa ni wamaiza wako kwa meri idadu wikikunugha; angu matuku adadu gha saka izamie isangenyi kwako. Pima nao kufunye matumbulio nighiwunje kwa uo waniduma.”

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

1 WAZURI 18:2

Niko Elija ukafuma kwendakuwonyera moni kwa Ahabu. Njala erekoghe yabia loli loli aja Samaria.

2 WAZURI 4:18

Uja mwana uendazoghua, ituku jimu ngelo ya makuwido, ukamnugha ndee cha mbuwenyi ukwanye na wandu wekuwida.

2 WAZURI 4:36

Elisha ukammbanga Gehazi ukamzera, “Wanga uja Mshunami.” Ukammbanga; nao uja muka uendacha, Elisha ukamzera, “Wada mwana wako.”

2 WAZURI 4:38

Elisha ukawuya sena Gilgali, na ngelo iyo korekoghe na njala isangenyi. Hata iji kipughi cha walodi wereserieghe kidombo imbiri kwake, ukamzera mdumiki wake, “Wikiria nyungu mbaa modonyi kudekie kipughi cha walodi supu.”

2 WAZURI 7:20

Na huwo niko koni ikaie kwake; kukaia wandu weremmbadirieghe aho mbengenyi, hata ukafwa.

2 WAZURI 8:2

Niko uja muka ukasikira ukafuma ukahama cha isanga ja Filistia, chiaimweri na wandu wake, sa iji koni orezereloghe ni mlodi Elisha. Ukakaia kiwughenyi andenyi ya isanga ja Wafilisti kwa miaka mfungade.

ZABURI 105:16

BWANA ukareda njala isangenyi kwawo; ikameria vindo vose.

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

JEREMIA 25:29

Olenyi nazoe kazi eghunona ughu muzi ghuwangilo kwa irina japo. Mwadima kughenda msekabilo? Ndeidimikagha mghende kusekabilo, kwa kukaia nichareda wuda ghuche aighu ya wandu wose wikaiagha ndoenyi.’

WALAWI 26:26

Nichapunguza vindo venyu, hata ikaie waka ikumi wioche mkate ghonyu andenyi ya iriko jimweri; wichaghuwagha ugho mkate, nenyo mchaghuja na kulemwa ni kughuda.

AMOSI 4:6

“Ni ini neremredieghe njala andenyi ya kula muzi ghonyu; mkasowa vindo kula andu morekaieghe; ela hata huwo saki ndemorenighalukieghe.

HAGAI 1:11

Naomera isanga aighu mighondinyi, na mbuwenyi rewa viro, na mbuwa ra mizabibu na matunda gha mizeituni, na kula andu kobusa viro. Ngareda wasi kwa wandu na nyamandu, na kula kilambo mdimagha kuzoghora.”

LUKA 21:11

kuchakaia na misughusiko mibaa ndoenyi, njala na saka rizamie andu kuzima kuzima, kuchakaia na maza mbaa reobosha riwonekagha mawingunyi.

LUKA 21:22

Angu agho ghichakaia ni ‘Matuku Ghekabwa,’ kukatisha agho ghose ghiandikilo.

LUKA 4:25

Ela namghoria loli, korekoghe na waka wakiwa wengi Israeli, matuku gha Elija; iji mlungunyi korefungiloghe kusenyeshe vua miaka idadu na meri irandadu, na njala mbaa ikangia isanga jose.

MABONYO GHA WADUMI 11:28

Na umu wawo uwangwagha Agabo, ukawuka na kuloda kwa ndighi ra Roho seji njala mbaa ichaabuka wurumwengu ghose. Na njala io, erebukieghe iji Klaudio orekoghe ukibonya nguma.

RUTHU 1:1

Ngelo imu, iji watanyi wa Israeli werekoghe wikibonya nguma, korekoghe na njala isangenyi; na mndumu wa muzi ghwa Bethlehemu isanga ja Juda ukaghenda kukaia kiwughenyi isanga ja Moabu, andwamweri na mkake, na wana wake wa womi wawi.