2 WAZURI 7:13 - Biblia Ilagho Jiboie Kwa Wandu Wose

¹³ M'baa umu wake ukaghamba, “Awandu weni wisigharikie weeka wikambilo ni chongo kewada wiachakaia sa awandu weni wa Israeli wisaghie; kwa huwo, ndedidume wandu na farasi isanu ra iri risigharikie, dipate kuzighana agho malagho.”

2 WAZURI 7:13 Խաչաձեւ Հղումներ

2 WAZURI 5:13

Ela wadumiki wake wikamsoghodera na kumzera, “Wele mghosi, ngera uhu mlodi odekuzera kubonye ilagho ibaa ndakwajibonyagha? Da si baa kukuoghosha na kueleshwa?”

2 WAZURI 6:33

Hata iji orekoghe ukideda, mzuri moni ukabusa ukaghamba, “Ughu wasi ghwaafuma kwa BWANA; nisindammbesera BWANA hata lii?”

2 WAZURI 7:12

Mzuri ukawuka nakio ukawizera wabaa wake, “Lekenyi nimghorie seji Wasiria wadibonyera njama. Awo waichi kukaia deko njala; kwa huwo waafuma kambinyi, eri wipate kukuvisa aisangenyi; nesi dikafuma wichadiwada dimoo, na kughuwada muzi.”

2 WAZURI 7:14

Niko wikaduma wandu wighende na magare awi na farasi, wipate kunugha ijeshi ja Wasiria; wikawizera, “Ghendenyi mzighane.”

2 WAZURI 7:4

Dikaghamba wei dingie cha mzinyi, njala eeka ebwagha; na dikakaia ahaeni, ni kifwa cheni. Da si baa dighende cha kambinyi ya Wasiria; wikadifuya wughoma, dichakaia moyo; wikadibwagha, kose ni kufwa.”

JEREMIA 14:18

Ngaghenda noko cha mbuwenyi, niawona awo wibwaghilo wudenyi; ngawuya mzinyi, niawona awo wibwaghwaa ni njala. Walodi na wakohani wiabonya kazi rawo isangenyi, hata ndewimanyagha ilagho jingi anduangi.”

KILILO CHA JEREMIA 4:9

Wandu wifue wudenyi weko baa kuchumba awo wicheefwa na njala mboa mboa kwa kusowa vindo vewikaisha moyo.