2 WAZURI 7:10 - Biblia Ilagho Jiboie Kwa Wandu Wose

¹⁰ Niko wikacha wikawiwanga walindiri wa mbenge ya muzi, wikawighoria wikighamba, “Dereghendieghe kambinyi ya Wasiria, ela ndediwonie hata kusikira mndungi, ela deekua farasi rifungie, na punda na hema rasighwa kimusi sa iji koni riko.”

2 WAZURI 7:10 Խաչաձեւ Հղումներ

2 SAMUELI 18:26

Nao mlindiri ukammbona mundu mzima ukikimbia uekeri. Uja mlindiri ukawanga mbengenyi ukighamba, “Wonenyi mndumu sena ukimbiagha uekeri!” Mzuri ukaghamba, “Nao moni wori wadwae malagho.”

2 WAZURI 7:11

Niko waja walindiri wa mbenge wikawanga na kughora agho malagho nyumbenyi kwa mzuri.

2 WAZURI 7:9

Nao wikazerana weni na weni, “Ndediwuebonya ilagho ja hachi. Idime ni ituku jeeresha malagho mecha, dikanyama kima hata ndoe iele, dichapatwa ni malagho. Idana ndedighende dighore agha malagho ngomenyi kwa mzuri.”

1 MALAGHO GHA NGELO 15:18

Wakwawo wewitesia ni Zekaria, Jaazieli, Shemiramothi, Jehieli Uni, Eliabu, Benaia, Maaseia, Matithia, Elifelehu, na Mikneia; na walindiri wa mbenge Obed-edomu na Jeieli.

1 MALAGHO GHA NGELO 16:38

Obed-edomu wori orekoghe ukiwitesia na wakwawo mirongo irandadu na wunyanya. Obed-edomu moni uo mwana wa Jeduthuni, na Hosa, werekoghe walindiri wa mbenge.

2 MALAGHO GHA NGELO 23:19

Ukawika walindiri mbengenyi ra Hekalu, mndungi useelie kwa chia iyo yose usedime kungia.

ZABURI 127:1

Ngera BWANA useaghagha nyumba, awo wiaghagha wiabonya kazi nduu. Ngera BWANA useghulindiagha muzi, walindiri wiacheresha duu.