2 WAZURI 4:13 - Biblia Ilagho Jiboie Kwa Wandu Wose

¹³ na Elisha ukamzera Gehazi, “Mkotie ngera wakunde ubonyero ilaghoki kwa wundu ghwa wucha ghose udibonyere kwa kuditesia huwu. Kewada wakunde dimlombie ilagho jimu kwa mzuri angu kwa m'baa wa majeshi.” Ukatumbulia, “Neko nicha putu aghadi ya wandu wapo.”

2 WAZURI 4:13 Խաչաձեւ Հղումներ

KUZOYA 14:24

Sichaawusa kindo chingi, na mawaghio gha awo wandu wereghendanyeghe nani, awo Aneri, Eshkoli, na Mamre; awo ndewiwuse mawaghio ghawo.”

2 SAMUELI 19:13

Sena mumzere Amasa, ‘Wele oho nde ko bagha imweri nani? Mlungu unikabe na kuchumba iji nisekuwikie oho kukaia m'baa wa majeshi ghapo wulalo ghwa Joabu.’”

1 WAZURI 2:32

BWANA uchammbunjira bagha yake aighu ya chongo chake; kwa kukaia wabwaghie wandu wawi kwa lufu, aba usemanyire; sena wandu wiko na hachi kumchumba; nawo ni Abneri mwana wa Neri, orekoghe m'baa wa majeshi gha Israeli, na Amasa mwana wa Jetheri orekoghe m'baa wa majeshi gha Juda.

2 WAZURI 4:12

Ukamzera mdumiki wake Gehazi uendemmbanga uja Mshunami. Uendammbanga, uja muka ukacha ukakaia kimusi imbiri kwake;

2 WAZURI 4:14

Elisha ukamkotia Gehazi, “Da ubonyerwa ilaghoki?” Ukatumbulia, “Ndewadie mwana ungi, na mumi nao hoyu waghosia.”

2 WAZURI 8:1

Idana Elisha oremzerieghe uja muka Mshunami, uo oremrukishirieghe mwana wake, ufume jija isanga, uhamie andu kuzima uko kose uchaakuwona. Kwa kukaia BWANA uchareda njala isangenyi jija kwa miaka mfungade.

2 WAZURI 9:5

ukakua wabaa wa majeshi wiko mwandunyi, ukaghamba, “Neko na malagho kwako, ee m'baa wa ijeshi.” Jehu ukaghamba, “Ni uao aghadi kodu?” Ukatumbulia, “Ni kwako, ee m'baa wa ijeshi.”

ZABURI 37:3

Msuwirie BWANA kubonye nicha, na oho kuchakaia nicha na kudua banana isangenyi.

WAROMA 16:2

Mmbusenyi kwa wundu ghwa Bwana, sa iji koni iwifwane waeli; mumtesie kwa ijo jose uchaakunda konyu, angu nao moni wawiteserie wandu wengi hata ini moni wori.

WAROMA 16:6

Mroghuonyi Maria uo orebonyereghe kazi kwa kufunga ndighi aghadi konyu.

WAEBRANIA 13:5

Msakekaia na irangi jelaka na pesa, ela mkato ni ivo veni muko navo; angu Mlungu waghambie, “Na jingi sichaakusowia, hata kukusigha anduangi.”

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.