2 WAZURI 3:23 - Biblia Ilagho Jiboie Kwa Wandu Wose

²³ Nawo wikaghamba, “Ija ni bagha; agha majeshi gha wazuri wadadu walwa wikabwaghana weni na weni; okenyi Wamoabu, nndokonyi diendewada vilambo.”

2 WAZURI 3:23 Խաչաձեւ Հղումներ

2 WAZURI 3:22

Nao iji Wamoabu wawuka kokesho kio, na iruwa jabuka jiking'ala-ng'ala aighu ya machi, wikaghiwona agho machi naimbiri kwawo ghatinika sa bagha.

2 WAZURI 3:24

Ela iji werevikieghe kambinyi, Waisraeli wikawuka na kuwikaba; wikawiwinga na kuwibwagha Wamoabu iji werekoghe wikikimbia.

2 WAZURI 7:6

Kwa kukaia BWANA orekoghe wabonya ijeshi ja Wasiria wisikire chwaka ra magare na farasi, na tiri ra ijeshi ibaa; wikaririkanya wei mzuri wa Israeli waakodisha majeshi gha mzuri wa Wahiti na gha mzuri wa Misri, wipate kulwa nawo.

2 MALAGHO GHA NGELO 20:25

Jehoshafati na wandu wake wiendacha kuwada vilambo, wikakua ng'ombe kwa wungi, vilambo, nguwo, na vilambo va zoghori mbaa; wikaviduka hata wikalemwa. Vilambo verekoghe vingi nandighi, wikaviduka kwa matuku adadu.

KUFUMA 15:9

M'maiza ukaghamba, ‘Nichawinugha niwiwade; nichawaghanya mali rawo, na kwa iro nichakatisha bea yapo. Nichakua lufu lwapo, na kuwitotesha kwa mkonu ghwapo.’

ISAYA 10:14

Mbari rose ra ndoenyi redeeka sa kijungu cha nyonyi, nani nerewusireghe masanga ghose sa maghi ghileghelo; nerewusireghe mali ra ndoenyi kose, hata ndekuwadie ungi orenyavurieghe iwawa jake kunitangala, angu kunidedia hata ilagho jeni.”

WATANYI 5:30

‘Kewada ndawadawagha mali waiwada; mwai umweri angu wawi kwa mundu umweri, nguwo ra rangi riwadilo kwa wundu ghwa Sisera, nguwo ra rangi ritolelo riwadilo, vipande viwi va nguwo ra rangi vitolelo, viwadilo kwa wundu ghwa singo ya malkia?’