2 WAZURI 3:12 - Biblia Ilagho Jiboie Kwa Wandu Wose

¹² Mzuri Jehoshafati ukaghamba, “Uo oko na ilagho ja BWANA.” Niko mzuri wa Israeli, na Mzuri Jehoshafati, na mzuri wa Edomu, wikasea cha kwa Elisha.

2 WAZURI 3:12 Խաչաձեւ Հղումներ

2 WAZURI 2:21

Niko Elisha ukaghenda andu ndoria yaro iko ukadunga icho chumbi ukighamba, “BWANA waghamba huwu, ‘Nameria kughiboisa machi agha, nagho ndeghichaareda kifwa, hata kuibonya ndoe isowe mavalo.’”

2 WAZURI 3:11

Mzuri Jehoshafati ukaghamba, “Welee, mlodi ungi wa BWANA ndeko aha dipate kukotia njama kwa BWANA?” M'baa umu wa mzuri wa Israeli ukatumbulia, “Elisha mwana wa Shafati oko aeni aha; nuo orekoghe mdumiki wa Elija.”

2 WAZURI 3:13

Elisha ukamzera mzuri wa Israeli, “Siwadie ilagho jingi jekubonyera. Ghenda kwa walodi wa ndeyo na mayo.” Mzuri wa Israeli ukamzera, “BWANA nuo wadiwanga wazuri wadadu, eri udingire mikonunyi kwa mzuri wa Moabu.”

2 WAZURI 5:15

Niko Naamani ukawuya kwa Elisha chiaimweri na wandu wake wose; ukacha na kukaia kimusi imbiri yake, ukaghamba, “Ola namanya angu ndeuko Mlungu ungi mzima wurumwengunyi kose, ela kwa Israeli; kwa huwo idana nakulomba kuwuse manosi kufuma kwapo ini mdumiki wako.”

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

JEREMIA 37:17

Mzuri Zedekia ukaduma niredo kwake. Mzuri ukanikotia kivisonyi ngomenyi kwake ukighamba, “Ilagho jingi jeko jafuma kwa BWANA?” Ngatumbulia, “Jeko.” Niko ngamzera, “Kuchangirwa mikonunyi kwa mzuri wa Babuloni.”

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.