2 WAZURI 23:3 - Biblia Ilagho Jiboie Kwa Wandu Wose

³ Mzuri ukakaia kimusi kaavui na nguro, ukabonya ilaghano kwa BWANA, jemnugha na kuwadia memu yake, na wushuhuda ghwa memu yake kwa ngolo yake yose, na kwa roho yake yose; na kuwadia malaghano ghake sa iji ghiandikilo sharienyi andenyi ya icho chuo; na wandu wose wikarumiriana kwa agho malaghano.

2 WAZURI 23:3 Խաչաձեւ Հղումներ

2 WAZURI 11:14

Ukazighana, ukammbona mzuri mmbishi wawikwa, uko kimusi anguronyi ya Hekalu karakara na mzango, wamarwa ni wabaa wa majeshi na wakabi tarumbeta; na wandu wose wikizuma kwa tarumbeta. Athalia ukarashua nguwo rake kwa wasi, ukakema ukighamba, “Ni sheshe, ni sheshe!”

2 WAZURI 11:17

Niko mkohani Jehoiada ukabonya ilaghano aghadi ya BWANA na mzuri Joashi, na wandu kukaia wichakufunya wikaie wa BWANA, sena ukabonya wandu wibonye ilaghano na mzuri.

2 MALAGHO GHA NGELO 15:15

Wandu wa Juda wose wikazuma aighu ya igemi ijo; angu wereghemieghe kwa ngolo rawo rose, na kumlola kwa lukundo lwawo lose, nawo wikammbona; BWANA ukawineka kuhora andu kose.

2 MALAGHO GHA NGELO 23:13

hata iji wazighana, ukammbona mzuri uko kimusi andu kongiria kaavui na nguro yake na wabaa wa vilongozi na wakabi tarumbeta, wikwanye na mzuri, na wandu wose wa isanga wikizuma na kukaba tarumbeta, na wabori wiko na vombo vawo vebora wikilongoza agho makaso. Athalia ukarashua nguwo rake ukakema, “Ni sheshe! Ni sheshe!”

2 MALAGHO GHA NGELO 23:16

Niko Jehoiada, na wandu, chiaimweri na mzuri, ukabonya ilaghano kukaia wichakaia wandu wa BWANA.

2 MALAGHO GHA NGELO 29:10

Idana naawuyawona nibonye ilaghano na BWANA, uo Mlungu wa Israeli; eri udiinjire machu ghake.

EZRA 10:3

Idana ndedibonye ilaghano na Mlungu odu kukaia dichawisigha awa waka chiaimweri na wana wawo kunughana na njama yako, bwana odu na ya awo wose wiko na ishima na malaghiro gha Mlungu odu na ilagho ijo jibonyo kunughana na Sharia.

NEHEMIA 10:1

Wandu wa imbiri kungiria sahihi ni m'bonyi nguma Nehemia mwana wa Hakalia, na Zedekia.

NEHEMIA 5:13

Nanimoni wori ngaghughudua mkowa ghwapo ngaghamba, “Huwo niko Mlungu uchaamghughudua kula umu onyu usemaziraa ilaghiro jake. Mlungu uchawusa nyumba renyu na vilambo vose muko navo umsighe duu.” Na ikwanyiko jose jikadika, “Amen;” wikamkasa Mlungu. Vilongozi wikabonya seji werelaghirieghe.

NEHEMIA 9:38

Kwa wundu ghwa agha ghose ghibonyekie, isi wandu wa Israeli dabonya ilaghano ja loli kwa maandiko, na wabaa wedu, Walawi na Wakohani wajirumiria kwa kujikaba mhuri ghwawo.

KUFUMA 24:3

Musa ukacha na kuwighoria wandu memu na Sharia rose ra BWANA; na wandu wose kwa wumweri wikatumbulia, “Dichabonya maza rose sa iji BWANA waghora.”

MCHILI 8:2

Kumsikire mzuri, hata kusebonye malaghiro kwa Mlungu kwa shwa-shwa.

JEREMIA 34:15

Kafwani koni moreherieghe, na kubonya agho ghiko gha hachi imbiri kwapo, kwa kueresha malagho gha wuhuru kwa kula umu onyu, mkabonya ilaghano imbiri kwapo andenyi ya Hekalu yapo;

JEREMIA 34:8

BWANA oreghorieghe nani nyuma ya Mzuri Zedekia kubonya mapatano na wandu wose wa Jerusalemu jeeresha malagho gha wuhuru,

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

JEREMIA 50:5

Wichakotia chia eghende cha Sioni na mawushu ghawo ghikilangaya aho, wikighamba, ‘Choonyi diwadane na BWANA kwa ilaghano ja kala na kala jisechaaliwika jingi.’

WUKUMBUSO 10:12

“Idana inyo wandu wa Israeli, sikirenyi seji BWANA Mlungu onyu ukunde. Mnekenyi ishima na kumuobua, M'bonye seji ukundagha; mumkunde na kumdumikia kwa ngolo renyu rose;

WUKUMBUSO 11:13

“Na inyo mkasikira malaghiro na kumkunda BWANA Mlungu onyu na kumdumikia kwa ngolo renyu rose, na kwa roho renyu rose, seji nimlaghiragha idime,

WUKUMBUSO 13:4

Mumnughe BWANA Mlungu onyu na kumuobua; mmbwadie memu yake na kumsikira; na inyo mumtase na kumaziriana nao.

WUKUMBUSO 29:1

Agha ni malagho gha Ilaghano ja BWANA ijo oremlaghirieghe Musa ubonye na wandu wa Israeli andenyi ya isanga ja Moabu, kula na jija ilaghano orebonyereghe nawo aja Mghondi ghwa Sinai.

WUKUMBUSO 4:45

naro niro kanuni, na sharia, na malaghiro agho Musa orewighorieghe iji werefumieghe Misri,

WUKUMBUSO 6:1

“Idana ughu nigho momu na sharia na malaghiro, agho BWANA Mlungu onyu orenilaghirieghe nimfundishe, eri mpate kughikatisha andenyi ya isanga ijo mghendagha kujiwusa.

WUKUMBUSO 6:5

na oho kumkunde BWANA Mlungu wako kwa ngolo yako yose, na kwa roho yako yose na kwa ndighi rako rose.

WUKUMBUSO 8:19

Na iji mwamliwa BWANA Mlungu onyu, na kuinugha milungu mizima kuidumikia na kuitasa, namghoria loli idime iji, kukaia mchatota.

WAEBRANIA 12:24

na kwa Jesu mpatanishi wa ilaghano iwishi, na bagha imichiro ighoragha nicha kuchumba iyo ya Abeli.

WAEBRANIA 13:20

Idana uo Mlungu wa sere, nao nuo oremrukishireghe Bwana odu Jesu kufuma kwa wafu, uo uko Mlisha M'baa wa ng'ondi, kwa bagha ya ilaghano ja kala na kala,