2 WAZURI 20:3 - Biblia Ilagho Jiboie Kwa Wandu Wose

³ “Nakulomba idana kunikumbuke ee BWANA, seji nighendie kwa wuloli imbiri kwako kwa ngolo yose, ngibonya agho ghikuboiagha;” Hezekia ukalila nandighi.

2 WAZURI 20:3 Խաչաձեւ Հղումներ

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

KUZOYA 5:22

Nyuma ya Methusela kuvalwa, Enoko ukawadana na Mlungu kwa miaka maghana adadu, nao ukava wana wamu wa womi na wa waka.

KUZOYA 5:24

Enoko ukawadana na Mlungu nao ukasoweka, kwa kukaia Mlungu oremdwaeghe noko.

KUZOYA 8:1

Ela Mlungu ukamkumbuka Nuhu, nyamandu na mfugho rose rerekwanyeghe nao safinenyi. Mlungu ukareda kuweta kwa mbeo aighu ya ndoe, machi ghikazoya kupungua.

1 WAZURI 11:4

Ngelo ya wughosi ghwake, waka wake wikaghalua ngolo yake kutasa milungu mizima hata nderekoghe mloli kwa Mlungu wake seji ndee Daudi orekoghe.

1 WAZURI 15:14

Hata ngera Asa ndererinonieghe rija nyumba retasira milimu rereaghiloghe mghondinyi, ela orekaieghe mloli putu cha kwa BWANA irangi jake jose.

1 WAZURI 2:4

Kukamsikira, BWANA uchajimangisha ilaghiro ijo orenizerieghe kukaia, wana wapo wikalindia chia rawo na kughenda kwa wuloli imbiri kwake kwa ngolo rawo rose, na jingi sichaasowa mundu oseria kifumbi cha nguma andenyi ya Israeli.

1 WAZURI 3:6

Solomoni ukaghamba, “Oho kwamerie kuwonyera lukundo lubaa lukatie kwa mdumiki wako aba Daudi, angu orekoghe ukighenda imbiri kwako kwa wuloli, na hachi, na kwa ngolo yose. Niko kukam'bonyera ulo lukundo lubaa, kukamneka mwana wa womi upate kuchiseria kifumbi chake cha nguma idime.

1 WAZURI 8:23

ukaghamba, “Ee BWANA Mlungu wa Israeli, ndekuwadie Mlungu ungi uko sa oho mlungunyi aighu, hata andoenyi na kosi uo ukatishagha ilaghano jake na lukundo lwake lukatie kwa wadumiki wake awo wimnughagha kwa ngolo rawo rose.

1 WAZURI 8:61

Kwa huwo mkaie waloli kwa BWANA Mlungu odu kwa kuwadia sharia rake na memu yake sa iji mwawuyabonya idime.”

1 WAZURI 9:4

Na oho kukanidumikia kwa ngolo na wuloli sa ndeyo Daudi, na kubonya agho ghose nikulaghirie, kwa kuiwadia memu yapo na sharia rapo,

2 WAZURI 20:2

Nao Hezekia ukaghaluka cha wurighenyi, ukamlomba BWANA ukighamba,

2 WAZURI 20:4

Hata iji Isaya orekoghe ukifuma, imbiri useidie waza ya ghadi, ilagho ja BWANA jikamchea,

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

NEHEMIA 13:14

Kunikumbuke ee Mlungu wapo, aighu ya maza iri kughitale mabonyo ghapo mecha nighibonyere kwa wundu ghwa Hekalu ya Mlungu wapo na kwa wundu ghwa wutasi ghwako.

NEHEMIA 13:22

Ngawilaghira Walawi wikueleshe weni, wichelindia mbenge, wipate kukaia na loli ituku ja Sabato jawikwa jielie. Kunikumbuke kwa wundu ghwa agha wori ee Mlungu wapo, na kuniwika nicha karakara na wubaa ghwa lukundo lwako lukatie.

NEHEMIA 13:31

Ngaboisa mipango ereda mafunyo gha mbande kwa ngelo yaro na mafunyo gha matunda gha imbiri. Kunikumbuke na kunibonyera mecha ee Mlungu wapo.

NEHEMIA 5:19

Kukumbuke wucha nibonyere kwa awa wandu ee Mlungu.

AYUBU 1:1

Korekoghe na mndumu isanga ja Usi, uwangwagha Ayubu. Orekoghe mundu mucha, usewadie wuwiwi ghungi; muoboi Mlungu uleghie mawiwi.

AYUBU 1:8

BWANA ukamkotia Shetani, “Welee, kwammbonie uo mdumiki wapo Ayubu? Ndekuwadie mndungi uko sa uo ndoenyi; mundu ukatie, usewadie wuwiwi ghungi, muoboi Mlungu, uleghie mawiwi.”

AYUBU 16:20

Waghenyi wapo wianiseka kwa lumenyo. Ini naawuyamlilia Mlungu.

AYUBU 4:6

Welee, uko kuobua kwa Mlungu kwako, si wuwana ghwako? Na uko kukatia kwa chia rako si isuwirio jako?

ZABURI 102:9

Nadaja ivu sa vindo, na kuranganya kunywa kwapo na mbori.

ZABURI 119:26

Niendaghora agho nibonyere, korenitumbulieghe; kunifundishe sharia rako.

ZABURI 119:49

Kumbuka ilaghiro korenibonyereghe ini mdumiki wako; kwanibonyere nisuwirieghe andenyi yaro.

ZABURI 145:18

BWANA oko kaavui na wose wimmbangiagha, awo wose wimmbangiagha kwa loli.

ZABURI 25:7

Kusakekumbuka kaung'a na makosa gha wudawana ghwapo ee BWANA; kunikumbuke kwa wucha ghwako kunughana na lukundo lwako lukatie.

ZABURI 26:1

Kunitale kukaia nisewadie ikosa, ee BWANA, angu naghendie na irangi jiboie; neekurumiria putu.

ZABURI 26:3

Naawuyaghenjwa ni lukundo lwako lukatie, nani naawuyaghenda kwa wuloli ghwako.

ZABURI 32:2

Warasimilwa uo mundu BWANA usemtaliagha kaung'a, uo usewadie wukalo ghungi rohonyi kwake.

ZABURI 39:13

Nisighe nipate kuboilwa, imbiri niseidie noko na kusoweka putu.”

ZABURI 6:6

Kusirimika kwapo kwanisirisha ndighi, nariwika wuli ghwapo na mbori kula kio, na igodoro japo jawada mbori rapo.

ZABURI 6:7

Meso ghapo ghapungua ndighi kwa wundu ghwa wasi, ghasera kira kwa kuririshwa ni wamaiza wapo.

ZABURI 89:47

Kumbuka matuku gha irangi japo ni matinieri ee BWANA; kumbuka wadamu wose koowiumba wa kunoneka!

ZABURI 89:50

Kumbuka seji ini mdumiki wako nawuyasekwa ee BWANA, na seji nawuyarumaghia madukano gha wandu wa mbari zima.

ISAYA 38:14

Nakema karakara na mbeumbeu angu ichachula; nashononia karakara na mbughi. Meso ghapo ghasilwa kwa kuzighana nokoighu. Ee BWANA, nakorongeka, kaia mlindiri wapo.

ISAYA 63:11

Niko wikakumbuka matuku gha kala gha Musa mdumiki wa Mlungu, wikakotia, “Oko hao uo BWANA orewijosereghe vilongozi kufuma baharinyi? Oko hao uo BWANA orewinekieghe awo wandu Roho wake Mweli?

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

AMOSI 5:4

BWANA Mlungu wawizera wandu wa Israeli huwu: “Nilolenyi mpate kukaia moyo.

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

JOHANE 1:47

Nao iji Jesu wammbona Nathanaeli ukimchea, ukamghora ukighamba, “Wonenyi Muisraeli wa loli, usene wukalo ghungi andenyi kwake anduangi.”

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.