2 WAZURI 2:9 - Biblia Ilagho Jiboie Kwa Wandu Wose

⁹ Nyuma ya kuruwuka, Elija ukamzera Elisha, “Lomba icho kukunde nikubonyere imbiri niseinjiro kwako.” Elisha ukaghamba, “Nakulomba kunineke ifwa jekaia na mafungu awi gha roho yako.”

2 WAZURI 2:9 Խաչաձեւ Հղումներ

1 WAZURI 19:16

na Jehu mwana wa Nimshi kumdunge mavuda uwuye mzuri wa Israeli, na Elisha mwana wa Shafati wa Abel-mehola, kumdunge mavuda uwuye mlodi wulalo ghwako.

1 WAZURI 3:9

Kwa huwo, kunineke ini mdumiki wako hikima emanya kuwibonyera wandu wako nguma; nipate kutambua iro ndicha na iro riko mbiwi. Ngera kusenibonyeragha huwo, nichadima wada kuwibonyera nguma wandu wako wing'ane huwu?”

ZABURI 72:1

Kumfundishe mzuri kutanya kwa loli yako ee Mlungu, na kumfundisha mwana wa mzuri utanye kwa hachi yako.

ZABURI 72:20

Malombi gha Daudi, mwana wa Jese ghatua.

ZEKARIA 12:8

Ituku ijo, ini BWANA nichawilindia wandu wikaigha Jerusalemu; hata uo uko mnyonge putu aghadi yawo uchakaia na ndighi sa ra Daudi, na wandu wa kivalwa cha Daudi wichalongoza sa malaika wa BWANA, nawo wichakaia sa Mlungu.

ZEKARIA 9:12

Wuyenyi inyo m'barishiro muko na isuwirio, wuyenyi andu konyu kwa wubanana. Naghamba nichamlipa marasimio mando awi.

MITALO 11:17

Nani nichasea aho nidedanye na oho, na kuwusa ifungu jimu ja roho yako, nijingire kwawo, nawo wichakutesia kuduka msigo ghwa awa wandu, eri kuseghudukeghe kuekeri.

MITALO 11:25

Niko BWANA ukasea andenyi ya iwingu ukaghora na Musa, nao ukawada ifungu ja roho erekoghe na Musa, ukajiwika aighu ya awo waghosi mirongo mfungade; hata iji iyo roho yawiseria, wikafunya wulodi. Ela ndewichebonya huwo sena anduangi.

JOHANE 16:7

Elaima namghoria loli, ichamfwana inyo ini ngaghenda, angu ngera niseghendagha, uja Mtesia ndechaamchea anduangi; ela ngaghenda, nichamduma konyu.

MABONYO GHA WADUMI 1:8

Ela mchapata ndighi, iji Roho Mweli wamchea aighu konyu; nenyo mchakaia washahidi wapo andenyi ya Jerusalemu, Judea kose, Samaria, na hata kutua kwa ndoenyi.”

MABONYO GHA WADUMI 8:17

Niko Petro na Johane wikawiwikiria mikonu yawo, nawo wikammbusa Roho Mweli.

1 WAKORINTHO 12:31

Elaima, kundenyi agho manosi ghiko mabaa. Na sena, nichammbonyera chia iboie kuchumba.

WUKUMBUSO 21:17

Ela uchamtala uo mwana wa womi wa muka usemkunde kukaia mvalwa wa imbiri kwa kumneka ifungu ja vilambo mando awi, nuo moni mvalwa wa imbiri, na hachi ya kuvalwa kwa imbiri ni yake.

WUKUMBUSO 34:9

Joshua mwana wa Nuni ukachulwa ni hikima, angu Musa orekoghe wammbika uwade wulalo ghwake; kwa wundu ugho wandu wa Israeli wikamsikira, nao ukabonya seji BWANA oremlaghirieghe Musa.

1 TIMOTHEO 5:17

Awo waghosi wiko na wulongozi ghuboie, wafwana wineko malipo mando awi; na kuchumba awo wawuyadumika kwa kazi ya kuchila na kufundisha.