2 WAZURI 2:23 - Biblia Ilagho Jiboie Kwa Wandu Wose

²³ Nao Elisha ukafuma Jeriko ukaghenda Betheli; hata iji orekoghe ukighenda chienyi wana wamu watini wa womi wifumie mzinyi wikamsarighia na kumdema sare wikighamba, “Ghenda noko mwakangalu ungi! Ghenda noko mwakangalu ungi!”

2 WAZURI 2:23 Խաչաձեւ Հղումներ

KUZOYA 21:9

Nao Sara ukammbona mwana wa Hagari uja Mmisri oremvaieghe Abrahamu ukisarigha na mwana wake Isaaka.

2 WAZURI 2:11

Hata iji werekoghe wikidedanya, igare ja modo jikurudulwagha ni farasi ra modo jikacha na kuwitanya; Elija ukadwalwa cha mlungunyi kwa mbeo ya kikulukulu.

2 WAZURI 2:2

Elija ukamzera Elisha, “Kaia aha, kwa kukaia BWANA waniduma nighende Betheli.” Ela Elisha ukaghamba, “Naghema kwa Mlungu uko moyo, na kwa oho, kukaia, sichaakusigha anduangi.” Wikaseanya wose cha Betheli.

2 WAZURI 2:22

Kufuma ituku ijo, agho machi ghikaboa hata idime, sa iji koni Elisha oreghorieghe.

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

AYUBU 19:18

Wana watini wianimenya, ngawuka, wianiseka.

AYUBU 30:1

“Wandu wiko wana kwapo, waawuyanisarighia. Weke ndee ndewerefwaneghe hata kuwiwikanya na koshi relindia ng'ondi rapo.

ZABURI 31:17

Kusakenisigha nifusho waya ee BWANA, angu nakuwanga; wawiwi ndewifusho waya, na kusea Andu kwa Wafu winyame.

ZABURI 31:18

Wandu wa tee ndewinyamiro; waawuyadeda lung'eto aighu ya wahachi kwa lubando na lumenyo.

ZABURI 35:15

Ela iji nerekuwieghe werenikwanyikieghe wikiboilwa; werekwanyikieghe kulwa nani; wandu nisewiichi wikadanizighiria wikiniziziria.

MAKATANISHO 20:11

Hata mwana moni wadamanyika kwa mabonyo ghake seji ubonyagha ngera ghaboie na ni gha hachi.

MAKATANISHO 22:15

Mwana wadakaia na wukelu ngolonyi kwake, ela changu cha mafundisho chichaghufunya.

MAKATANISHO 22:6

Mfundishe mwana seji imfwane ukaie; ukazoghua ndechaaliwa.

MCHILI 11:10

Kusesumbulo ni ilagho jingi, hata kuvavirwa ni ilagho jingi; kwa kukaia wudawana na wuirika riida noko.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 3:5

Wandu wichakorongana weni na weni, kula mundu na mmbao, na kula mundu na mmbenyu; wandu wa irika ndewichaawitala waghosi, na awo wa ndonyi ndewichaawitala wabaa.

JEREMIA 20:7

Ee BWANA, kwanikalia nani ngakalikia; oho kwawadie ndighi kunichumba ini, na oho kwameria kusima. Nawuya kilambo chesekwa dime dii, kula umu waawuyaniseka.

JEREMIA 20:8

Kula ngelo nidedagha nawuyalila, ngikema, “Makorongo na kunoneka!” Kwa huwo uko kujighora ilagho ja BWANA, kwaniredia masholio na matiriro dime dii.

JEREMIA 7:18

Wana waawuyashoa mbande, na weke ndee wiakora modo; waka wiaruwa mufu wibonye mkate kwa wundu ghwa mlungu ghwa waka wighuwangagha Malkia wa Mlungunyi. Nawo wadunga vizongona venywa kwa milungu mizima, wipate kuwusira machu ghapo.

HOSEA 10:15

Huwo niko mchaabonyerwa inyo, wandu wa Betheli, kwa wundu ghwa ugho wuwiwi ghonyu m'baa moreghubonyereghe. Wuda ghukazoya woruwu, mzuri wa Israeli uchabwaghwa.”

HOSEA 10:5

Wandu wikaiagha muzi ghwa Samaria wichaobua na kulila kwa wundu ghwa mlimu ghwa ngache ya dhahabu ghwa Beth-aveni. Wandu awo chiaimweri na wakohani wighudumikiagha wichalila kwa kuwona wubaa ghwaro seji ghwainjwa.

HOSEA 4:15

“Hata ngera inyo wandu wa Israeli mwasowa wuloli kwapo, Juda usebonye kaung'a sa inyo. Msebonye wutasi aho Gilgali, hata Beth-aveni; sena msebonye ilaghiro mkighamba, ‘Naghema kwa BWANA uko moyo.’

WALAWI 13:40

“Mndungi ukakunuka iridia jake chongonyi, ni mwakangalu; ela uchakaia uelie.

AMOSI 3:14

“Ituku niwikabagha wandu wa Israeli kwa wundu ghwa kaung'a rawo, nicharitotesha madhabahu ra Betheli. Nicharichikanya mbembe rose ra madhabahu hata andoenyi.

AMOSI 4:4

BWANA Uwadie-Ndighi-Rose waghamba, “Ghendenyi Betheli, m'bonye makosa; mghende Gilgali mchurie kubonya makosa; redenyi vizongona venyu kula nakesho, na ifungu jenyu ja ikumi nyuma ya kula ituku ja kadadu.

AMOSI 5:5

Msenilole Betheli; mseghende Gilgali hata mseghende Beer-sheba kutasa; kwa kukaia loli wandu wa Gilgali wichadwalwa wunyika, na Betheli ichasighwa nduu.”

AMOSI 7:13

Ela jingi kusefunye wulodi Betheli, kwa kukaia ni andu kotasira kwa mzuri sena ni hekalu ya wuzuri.”

WAGALATIA 4:29

na sa iji koni uja mwana orevaloghe sa wana wose oremkorongieghe uo orevaloghe kwa Roho ngelo rija, hata idana ni huwo koni.

WAEBRANIA 11:36

Wazima weresekeloghe na kukabwa na viboko, hata kufungwa na minyororo, na kungirwa kifungonyi.