2 WAZURI 2:16 - Biblia Ilagho Jiboie Kwa Wandu Wose

¹⁶ wikamzera, “Ola isi wadumiki wako deko aha wandu wa irika mirongo misanu wiko na ndighi; dakulomba kudineke rusa diendemlola bwana wako, kewada roho wa BWANA wamduka na kummbika aighu ya mghondi ghumu angu vololo imu.” Ukawizera, “Msewidume,”

2 WAZURI 2:16 Խաչաձեւ Հղումներ

1 WAZURI 18:12

Na nyuma ya kukusigha, Roho wa BWANA uchakudwa andu nisekumanyagha. Ahabu ukacha na kukusowa ngelo namzera wei koko aha, uchanibwagha. Kumbuka ini mdumiki wako ne mtasi Mlungu kufuma wanake ghwapo.

2 WAZURI 2:7

Wikanughwa ni kipughi cha walodi mirongo misanu, wikakaia kimusi kakula kufuma kwawo ingelo werekaieghe kimusi aho Jordani.

EZEKIELI 11:24

Na Roho wa Mlungu ukaniwusira nokoighu andenyi ya mawono, ukaniwunja Babuloni kwa wandu wa wubarishonyi. Niko agho mawono ghikasia.

EZEKIELI 3:14

Roho wa Mlungu ukaniwusira na kunidwa noko, ngaghenda naturukia na kusumbuka rohonyi kwapo, ngisikira wulemeri ghwa ndighi ra BWANA.

EZEKIELI 40:2

Andenyi ya mawono Mlungu orenidwaeghe cha isanga ja Israeli, na kuniwika aighu ya mghondi mlacha nandighi; naimbiri yapo chia ya kusinyi korekoghe na kilambo chiwonekagha sa muzi.

EZEKIELI 8:3

Ukaghorua icho cherewonekieghe sa mkonu, ukaniwada iridia japo. Roho wa Mlungu ukaniwusira nokoighu ghadi na ghadi ya ndoenyi na mlungunyi. Nani ngikaia andenyi ya mawono gha Mlungu, ukanidwa hata Jerusalemu aho andu kongiria kwa chia ya mbengenyi ya waza ya ndenyi ya Hekalu, ilangayagha cha kaskazinyi. Aho korekoghe na mlimu ghowasira Mlungu iriso ja wandu wake.

MABONYO GHA WADUMI 8:39

Hata iji wajoka kufuma machinyi, Roho wa Bwana ukamkuna Filipo noko, na uja kolowi ukamsowa; ukaghenda chia yake ukiboilwa.