2 WAZURI 2:14 - Biblia Ilagho Jiboie Kwa Wandu Wose

¹⁴ Niko ukawada ija shuka ya Elija erempotokieghe, ukaghikaba ghaja machi ukighamba, “Uo BWANA, Mlungu wa Elija oko hao?” Umeria kughikaba ghaja machi, ghikadumbuka ghadi na ghadi; Elisha ukaruwuka.

2 WAZURI 2:14 Խաչաձեւ Հղումներ

2 WAZURI 2:13

Nao ukashoa ija shuka ya Elija erempotokieghe ukawuya na kukaia kimusi modenyi ghwa Jordani.

2 WAZURI 4:29

Elisha ukamzera Gehazi, “Rwaa kukumazire, kuwade mzata ghwapo kughende, kukakwana na mndungi kusemroghuo; na mndungi ukakuroghua, kusemdike; nao kukavika, kuwikirie mzata ghwapo wushunyi kwa mwana.”

ZABURI 115:2

Kwaki iro mbari ridizeragha, “Mlungu onyu oko hao?”

ZABURI 42:10

Wamaiza wapo wanidukana na kunivavira sa kunibara maindi, wikinikotia ngelo rose, “Mlungu wako oko hao?”

ZABURI 42:2

Nakaia na kau ya Mlungu, uo Mlungu uko moyo. Niendammbona Mlungu lii?

KUFUMA 14:22

Wandu wa Israeli wikaida ghadi na ghadi ya bahari andu kuomie, na machi ghikakaia sa wurigha chia ya mkonu ghwawo ghwa kiwomi na chia ya mkonu ghwawo ghwa kiwaka.

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

JOELI 2:17

Wakohani wimdumikiagha BWANA ghadi na ghadi ya madhabahu na mnyango ghongia Hekalunyi ndewilile na kughamba, “Kuwifuye wughoma wandu wako ee BWANA; kusakesigha wandu wa mbari zima widiseke na kudimenya wikighamba, ‘Oke Mlungu onyu oko hao?’”

MARKO 16:20

Wanughi wikafuma, wikachila andu kose, Bwana moni ukibonya kazi andwamweri nawo; ukijimangisha jija ilagho kwa weke mwakilimbiti werebonyeroghe. Amen.]

JOHANE 14:12

Namghoria loli, uo unirumiriagha, uchabonya iro kazi niribonyagha; ee, nao uchabonya na zima mbaa kuchumba iri; angu niaghenda kwa Aba.

MABONYO GHA WADUMI 2:33

Nao moni, umeria kujoswa kwa mkonu ghwa kiwomi ghwa Mlungu, na kuwusa kufuma kwa Aba ijo ilaghiro ja Roho Mweli, niko wachidia ichi mchiwonagha na kuchisikira wori.

WATANYI 6:13

Gideoni ukamzera, “Nga Bwana, ikakaia BWANA oko andwamweri nesi, kwaki sena dapatwa ni iri maza rose? Iro kazi rake ra mashiniko dighorelo ni weke aba reko hao, iro werekoghe wikidighoria, wei BWANA wadifunyire isanga ja Misri? Ela idana BWANA wadisighie na kudikumba mikonunyi kwa Wamidiani.”