2 WAZURI 17:8 - Biblia Ilagho Jiboie Kwa Wandu Wose

⁸ na kunugha mizango ya iro mbari BWANA orerifunyireghe imbiri ya wandu wa Israeli; na kwa wundu ghwa kunugha mizango iredelo ni wazuri wa Israeli.

2 WAZURI 17:8 Խաչաձեւ Հղումներ

1 WAZURI 12:28

Nyuma ya kujipima, ukachana ngache iwi ra dhahabu. Ukawizera wandu, “Mduajokali Jerusalemu; milungu yenyu hei ee wandu wa Israeli, iyo eremjosereghe kufuma isanga ja Misri.”

1 WAZURI 21:26

Orebonyereghe wuwiwi ghuzamie ghotasa milimu sa Waamori, awo BWANA orewiwingieghe imbiri ya wandu wa Israeli.)

2 WAZURI 16:10

Nao iji Mzuri Ahazi waghenda Dameshki kukwana na Tiglathi-pileseri mzuri wa Ashuru, ukawona madhabahu iyo erekoghe Dameshki. Niko Mzuri Ahazi ukamdumiria mkohani Uria mfwano ghwa iyo madhabahu sa iji koni iko chia rose.

2 WAZURI 16:3

ela ukanugha mabonyo gha wazuri wa Israeli. Na kuchumba oremfunyireghe mwana wake ukaie kizongona chekora kwa milimu karakara na mizango izamie ya iro mbari ra wandu BWANA orewiwingieghe imbiri ya wandu wa Israeli.

2 WAZURI 17:19

Ela na wandu wa Juda wori ndewerewadieghe sharia ra BWANA Mlungu wawo, kwa kukaia werenughieghe tabia ra Israeli;

2 WAZURI 17:40

Elaima ndeweresikireghe, werenughieghe tu tabia rawo ra kala.

2 WAZURI 21:2

Ukabonya maza rizamie imbiri ya BWANA, sa iro mbari ra wandu rerewingiloghe ni BWANA imbiri ya Israeli.

ZABURI 106:35

wikakuranganya nawo, na kukufundisha mabonyo ghawo.

KUFUMA 23:24

Msakeghoghoma kuitasa milungu yawo, hata msakenugha mizango yawo ya dini; ela mchanona na kuchikanya putu andu kwawo kotasira.

JEREMIA 10:2

BWANA waghamba welee, “Msakekufundisha mighendo ya iro mbari ra wandu; msakeoboshwa ni alama ra mlungunyi, hata ngera iro mbari radaoboshwa ni iro alama.

EZEKIELI 5:6

Ela wandu wa Jerusalemu wikailegha memu yapo, wikakuwonyera weni kukaia wawiwi kuchumba iro mbari ra wandu kwa kulegha malaghiro ghapo kuchumba wandu wa masanga agho ghighumarie ugho muzi; wikailegha memu na malaghiro ghapo.

HOSEA 5:11

Israeli waawuyakorongeka; walaghashire isanga jerekoghe jake jeni, kwa kukaia orekoghe ukilola wutesia kwa wandu wisewadie kindo chingi.

WALAWI 18:3

Msakebonya seji Wamsiri wibonyagha isangenyi mzawo andu moredueghe, sena msakebonya seji Wakanaani wibonyagha, aho andu nawuyamghenja. Msakenugha mighendo yawo.

WALAWI 26:1

BWANA ukaghamba, “Msekubonyere mlimu ghungi, angu kuwika kimusi fwana ingi iwachilo angu nguro; hata msebonye fwana ya igho jingi jiwachilo isangenyi konyu, kwa kujighoghomia na kujitasa; angu Ini ne BWANA Mlungu onyu.

MIKA 6:16

Kuchapatwa ni agha malagho angu kwaawuyanugha mafundisho gha Mzuri Omri, na gha mwana wake Mzuri Ahabu. Kwanughie njama rawo, nani nichakunona putu, na kula mundu uchakumenya. Kuchamenywa ni wandu kula andu.”

WUKUMBUSO 18:9

“Iji mwangia isangenyi ijo BWANA Mlungu onyu umnekagha, msenughe mizango izamie ya iro mbari.