2 WAZURI 17:7 - Biblia Ilagho Jiboie Kwa Wandu Wose

⁷ Maza iri rerebonyekieghe, kwa kukaia Waisraeli werekoghe wam'bonyera BWANA Mlungu wawo kaung'a; uo orewifunyireghe isanga ja Misri, kufuma wuzumbenyi ghwa Mzuri wa Misri, na kuitasa milungu mizima,

2 WAZURI 17:7 Խաչաձեւ Հղումներ

1 WAZURI 11:4

Ngelo ya wughosi ghwake, waka wake wikaghalua ngolo yake kutasa milungu mizima hata nderekoghe mloli kwa Mlungu wake seji ndee Daudi orekoghe.

1 WAZURI 15:3

Ukabonya kaung'a rija reni ndee oreribonyereghe. Nderekoghe mloli putu kwa BWANA Mlungu wake seji wawae wa madafu Daudi orebonyereghe.

2 WAZURI 16:2

Ahazi orekoghe mundu wa irika ja miaka mirongo iwi ingelo orezoyagha kubonya nguma. Ukabonya nguma Jerusalemu kwa miaka ikumi na irandadu. Nao nderebonyereghe agho ghiko gha hachi imbiri ya BWANA seji ndee Daudi orebonyereghe anduangi;

2 WAZURI 17:35

BWANA orebonyereghe ilaghano nawo ukiwilaghira, “Msaketasa milungu mizima, hata msakeighoghomia angu kuidumikia, hata kuifunyira vizongona;

1 MALAGHO GHA NGELO 5:25

Ela wikam'bonyera Mlungu wa weke ndee kaung'a; wikamsigha na kunugha milungu ya wandu wa isanga, awo Mlungu orewitoteshereghe imbiri yawo.

2 MALAGHO GHA NGELO 36:5

Jehoiakimu orekoghe mundu wa irika ja miaka mirongo iwi na misanu iji orezoyagha kubonya nguma; ukabonya nguma Jerusalemu miaka ikumi na ghumweri. Ukabonya mawiwi imbiri ya BWANA Mlungu wake.

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

ZABURI 78:12

Mlungu orebonyereghe weke mwakilimbiti wurindinyi ghwa Sioni; andenyi ya isanga ja Misri weke ndee wikiwona.

KUFUMA 20:2

“Ini ne BWANA Mlungu wako, nerekufunyireghe isanga ja Misri, kufuma wuzumbenyi.

ISAYA 57:5

Inyo mwaawuyaakiana modo kwa bea renyu ra mumbi aisi ya mialoni, mkikaia aisi ya kula mudi ghwa malemba mawishi; inyo m'bwaghagha wana wenyu andenyi mavongonyi wikaie vizongona na kuwivisa andenyi ya chukarara ra magho.

JEREMIA 10:5

Milimu yawo ni sa fwana returusa, riwikilo mbuwenyi ya marenge; nderidedagha na ni suti riduko kwa kukaia nderidimagha kughenda. Kusakeriobua, nderikubonyagha ilagho jingi jizamie hata nderibonyagha ilagho jingi icha anduangi.”

EZEKIELI 39:24

Nedebonya huwo kunughana na wuchafu na makosa ghawo, nani ngasigha kuwizighana.”

HOSEA 12:14

Wandu wa Israeli wamvavirie BWANA nandighi, hata eewifwana wifo kwa makosa ghawo. BWANA uchawikaba kwa wundu ghwa masholio upatire kwa wundu ghwawo.

HOSEA 4:12

Waawuyalomba kipande cha mudi chiwineke mafunuo! Mzata ghwawighoria malagho wikunde kughimanya! Wanisighie ini Mlungu wawo, wikanugha milungu mizima seji muka usighagha mumi na kuwuya malaya.

HOSEA 4:13

Waawuyafunya vizongona vawo aighu mighondinyi, na kufukira marumba ghawo aighu ya mighondi mitini, na aisi ya midi ikambie angu iko na viju viboie. “Kwa huwo wai wenyu waawuyalaka sa waka wa wana wenyu.

WUKUMBUSO 31:29

Angu namanya loli nyuma ya kufwa kwapo, mchazama na kuisigha nambai iyo chia neremlaghirieghe; na kwa matuku ghichagha mchapatwa ni mawiwi, angu mchabonya kiwiwi imbiri ya BWANA, na kwa kazi renyu, mcham'bonya ujoko ni machu.”

JOSHUA 23:16

ikakaia mwajichikanya ilaghano jake ijo oremlaghirieghe, nao mfume kuidumikia milungu mizima na kuighoghomia, aho niko BWANA uchajokwa ni machu aighu yenyu, nenyo mchatota shwa wori na kusoweka andenyi ya ijo isanga jiboie oremnekieghe.”

WATANYI 6:10

Niko ngamzera kukaia ini ne Bwana Mlungu onyu, msaketasa milungu ya Waamori awo mwawuyakaia isangenyi jawo. Ela ndemorenisikireghe anduangi.”