2 WAZURI 17:4 - Biblia Ilagho Jiboie Kwa Wandu Wose

⁴ Ela mzuri wa Ashuru ukawona kukaia Hoshea orekoghe na sheshe; kwa kukaia orekoghe waduma wandu kwa So mzuri wa Misri, hata nderelipieghe kodi kwa mzuri wa Ashuru seji orekoghe ukibonya mwaka-mwaka. Kwa huwo mzuri wa Ashuru ukammbwada na kumngira kifungonyi.

2 WAZURI 17:4 Խաչաձեւ Հղումներ

2 WAZURI 17:3

Shalmaneseri mzuri wa Ashuru ukajoka kulwa nao, na Hoshea ukakufunya kwake, ukakaia ukimlipa kodi.

2 WAZURI 17:5

Niko mzuri wa Ashuru ukabonya wuda na isanga jose, ukacha Samaria; ukaghurughaia ugho muzi kwa miaka idadu.

2 WAZURI 18:21

Zighana kwaawuyakusaghika na Misri mrangi ghufashikie tu, nagho ghwadima kudunga mundu vala uo ughuwadagha; huwo niko Mzuri wa Misri uko kwa kula umu ukusaghikagha nao.

2 WAZURI 24:1

Ngelo Jehoiakimu orekoghe mzuri wa Juda, Nebukadnezari mzuri wa Babuloni ukajoka na kum'bonya Jehoiakimu ukaie aisi yake kwa miaka idadu; konyuma Jehoiakimu ukamlegha Nebukadnezari.

2 WAZURI 24:20

Kwa wundu ugho BWANA ukawawa nandighi na kuwikumba noko wandu wa Jerusalemu na Juda wikaie kula nao.

2 WAZURI 25:7

Wikabwagha wana wa Sedekia ukiwona, wikamturua meso ghake, wikamfunga na pingu, wikamghenja Babuloni.

2 MALAGHO GHA NGELO 32:11

Ndemmbonagha Hezekia waawuyamlaghasha ukimzera wei BWANA Mlungu onyu uchamkira na ndighi rapo ini mzuri wa Ashuru eri mpate kufwa kwa njala na kau?

HOSEA 10:4

Wadaaja malagho gha duu na kubonya maghemi gha tee na malaghiro ghisefwane. Hachi kwawo yawurie kusowa hachi, ikizoghua sa isaka ja sumu jibukie andenyi ya mbuwa.

HOSEA 12:2

BWANA oko na mashitakio aighu ya wandu wa Juda, nao uchawikaba wandu wa Israeli kunughana na chia rawo, na kuwilipa kara kara na mabonyo ghawo.

HOSEA 13:10

Morekoghe mkilomba mzuri na vilongozi. Da widima wada kuikira iyo mbari?

HOSEA 8:10

Ela idana nichawikwanya chiaimweri nipate kuwikaba. Wichawoka kudaruma kwa kukorongwa ni mzuri wa Ashuru.

WUKUMBUSO 28:36

“BWANA uchakudwa chiaimweri na mzuri wako kumsaghue kughende kwa mbari kuseiichi oho, hata weke ndeyo; na aho kuchaitasa milungu mizima ya midi na ya magho.