2 WAZURI 16:4 - Biblia Ilagho Jiboie Kwa Wandu Wose

⁴ Ukafunya vizongona na kufukira marumba aighu ya andu kotasira milimu mighondinyi, na aisi ya kiju cha kula mudi mmbishi.

2 WAZURI 16:4 Խաչաձեւ Հղումներ

1 WAZURI 14:23

Kwa kukaia nawo weni werekuaghieghe andu kotasira milimu; wikadunga nguro ra magho retasa, na kuwika fwana ra Ashera aighu ya kula mghondi na aisi ya midi ikambie.

2 WAZURI 12:4

Joashi ukawizera wakohani, “Pesa rose ra vilambo va wueli rifunywagha andenyi ya Hekalu, na ifungu ja kula mundu jipangilo jemfunyira BWANA, na agho wandu wifunyagha kwa ngolo, riredo andenyi ya Hekalu;

2 WAZURI 14:4

Ndereinjireghe andu kotasira milimu korekoghe mighondinyi, wandu wikakaia wikibwaghia vizongona na kufukiria marumba ahoeni.

ZABURI 78:58

Weremvavirieghe ngolo kwa kubonya andu kwawo kotasa milimu; wikammbwasira iriso kwa kutasa fwana rawo riwachiro.

ISAYA 65:4

Wandu wiseagha kidombo a makaburinyi, na kulala andu kwa kivisonyi; wadaaja nguwe na kutumia vilambo vawo kunywa supu ya vindo viseelie.

ISAYA 66:17

BWANA waghamba, “Kutua kwameria kuvika, kwa awo wikueleshagha na kughenda mbuwenyi, na kunugha mndumu wipate kutasa milimu, wikija nyama ya nguwe na mbewa, na kubonya wuwiwi.

JEREMIA 17:2

ingelo wana wawo wikumbukagha madhabahu ghawo na Ashera mlungu ghwawo ghwa waka, mbai na mbai ya kula mudi ghuko na malemba mawishi na aighu ya mighondi mitini,

EZEKIELI 43:7

ukanizera, “Mwana wa mdamu, aha ni andu kwa kifumbi chapo cha nguma, sena ni andu kowikiria chwau rapo, andu nichaakaia aghadi ya wandu wa Israeli kwa kala na kala. Wandu wa Israeli chiaimweri na wazuri wawo, ndewichaajilusha irina japo kwa kutasa milimu yawo sena, angu kwa kurika gharia ra wazuri wawo aha;

EZEKIELI 6:13

Nenyo mchamanya angu ini ne BWANA, ingelo awo wandu wawo wibwaghilo walala aghadi ya milimu yawo wamara madhabahu rawo chia rose, kula mghondi mtini ghuko ighu, na aighu ya mido ya mighondi mibaa yose, na aisi ya kula mudi ghudeghedekie, na aisi ya kula mualoni ghukambie malemba, andu kose werekoriagha milimu yawo yose vizongona vinukie nicha.

WUKUMBUSO 12:2

Mnone andu kose kotasira milungu kwa awo wandu mchaawisoka isanga; aighu ya mighondi iko ighu, na mighondi mitini, na aisi ya kula mudi ghuko na malemba mawishi.