2 WAZURI 13:7 - Biblia Ilagho Jiboie Kwa Wandu Wose

⁷ Mndungi wa ijeshi ja Jehoahazi nderesigharikieghe, ela wajoki farasi mirongo misanu, magare ikumi na masikari gheghenda na maghu elfu ikumi; kwa kukaia awo wazima werekoghe wose watoteshwa ni mzuri wa Siria, kwa kuwifasha-fasha sa teri.

2 WAZURI 13:7 Խաչաձեւ Հղումներ

2 SAMUELI 22:43

Nawikabie ngawifasha wikawuya sa teri ya ndoe; nerewifashireghe na kuwichandiria sa mazozo gha chienyi.

1 WAZURI 20:15

Niko mzuri ukawikwanya masikari wose wa irika werekoghe aisi ya wulongozi ghwa wabaa wa masanga, wandu maghana awi mirongo idadu na wawi. Ukakwanya ijeshi ja Israeli, wandu elfu mfungade.

1 WAZURI 20:27

Wandu wa Israeli wikakutumbanya na kukuwika tayari; wikafuma kwendalwa nawo. Wandu wa Israeli wikabonya kambi ya wandu watini sa maranu awi gha mburi, ela Wasiria wikachura isanga jose.

2 WAZURI 10:32

Ngelo iyo, BWANA ukazoya kuipunguza mano ya wandu wa Israeli. Mzuri Hazaeli wa Siria ukawisima wandu wa Israeli putu;

2 WAZURI 13:8

Mabonyo ghose ghisigharikie gha Jehoahazi, chiaimweri na agho ughibonyere kwa ndighi mbaa, ghaandikilo andenyi ya Chuo cha Malagho gha Ngelo cha Wazuri wa Israeli.

2 WAZURI 8:12

Hazaeli ukamkotia, “Kuliliaki bwana wapo?” Ukatumbulia, “Ni angu namanya ugho wuwiwi kuchaawibonyera wandu wa Israeli; kwa kukaia kuchakora ngome rawo, na kubwagha wandu wa irika wa Israeli kwa lufu, sena kuchawifasha-fasha wana wawo, na kuwirashua-rashua waka wawo wiko na vifu.”

ZABURI 18:42

Ngawifasha-fasha wikawuya sa teri idukwaghwa ni mbeo; ngawikumba noko sa mazozo gha chienyi.

ISAYA 36:8

Choonyi idana m'bonye mapatano na bwana wapo mzuri wa Waashuru, nani nichamneka farasi elfu iwi iji mdimagha kupata wandu werijoka.

ISAYA 41:2

“Nani umnyavurishire mndumu kufuma mashariki, na kum'bonya usimeghe kula andu? Waribonya mbari ra wandu righo imbiri kwake, na wazuri kusimwa hata wikaie aisi yake. Wadawighusha andonyi kwa lufu lwake karakara na teri, na kuwiwinga kwa ndana yake karakara na matasa ghidukwagha ni mbeo.

JOELI 3:14

Maelfu na maelfu gha wandu ghakwanyikia andenyi ya Vololo Etanya. Ituku ja BWANA jalighisa kuvika aho.

WALAWI 26:17

Nichalwa nenyo, mpate kusimwa ni wamaiza wenyu; awo wizamilwagha ni inyo, wicham'bonyera nguma; nenyo mchakimbia, ngelo mndungi usewuemmbinga.

AMOSI 1:3

BWANA waghamba, “Wandu wa Dameshki wabonyere kaung'a sena na sena; kwa wundu ugho nichawikaba. Wakorongie wandu wa Gileadi kwa lung'eto lubaa.

AMOSI 4:10

“Neredumieghe saka izamie aghadi konyu, sa ija nereidumieghe Misri, ngawibwagha wandu wenyu wa irika wudenyi, ngawusa farasi renyu, ngam'bonya mnukilo ni gharia renyu kambinyi. Nenyo hata huwo saki, ndemorenighalukieghe.

1 SAMUELI 13:15

Niko Samueli ukawuka na kufuma Gilgali, ukaghenda cha Gibea, isanga ja Benjamini. Na Sauli ukawitala wandu orekwanyeghe nawo ukawiwona kukaia wandu maghana arandadu.