2 WAZURI 12:9 - Biblia Ilagho Jiboie Kwa Wandu Wose

⁹ Niko uja mkohani Jehoaida ukawada sanduku ukaiturua ilanga akifunikonyi charo, ukaiwika mbai na mbai ya madhabahu luwaru lwa kiwomi ngelo wandu wakangia andenyi ya Hekalu. Wakohani wiko wudumikinyi, wikawada pesa rafunywa ni wandu ngelo efunya vizongona, wadarikumba andenyi ya iyo sanduku.

2 WAZURI 12:9 Խաչաձեւ Հղումներ

2 WAZURI 12:8

Niko wakohani wikarumiria wileke kuwada pesa, sena wiseboiseghe Hekalu.

2 WAZURI 22:4

“Jokenyi kwa Mkohani M'baa Hilkia, upate kumneka mtalo ghwa pesa riredelo Hekalunyi kwa BWANA, iro rerekwanyiroghe ni walindiri kufuma kwa wandu;

2 WAZURI 23:4

Niko Mzuri Josia ukamlaghira Mkohani M'baa Hilkia, na wakohani watini wake, na walindiri wa mbenge ya Hekalu, wifunye vilambo vose vingirilo Hekalunyi kwa wundu ghotasa Baali, na ghuja mlungu ghwa waka Ashera, na nyerinyeri; ukavikora shighadi ya Jerusalemu vololonyi ya Kidroni, na kudwa ivu jaro cha Betheli.

2 WAZURI 25:18

Uja m'baa wa walindiri Nebuzaradani ukamdwa uja Mkohani M'baa Seraia, na uja mtini wake mkohani Sefania, na awo wabaa wadadu wedumika andenyi ya Hekalu.

1 MALAGHO GHA NGELO 15:18

Wakwawo wewitesia ni Zekaria, Jaazieli, Shemiramothi, Jehieli Uni, Eliabu, Benaia, Maaseia, Matithia, Elifelehu, na Mikneia; na walindiri wa mbenge Obed-edomu na Jeieli.

1 MALAGHO GHA NGELO 15:24

Shebania, Joshafati, Nethaneli, Amasai, Zekaria, Benaia, na Eliezeri awo wakohani, werekoghe wikabeghe tarumbeta imbiri ya Sanduku ya Ilaghano. Obed-edomu na Jehia wori werekoghe wilindieghe mbenge ya andu kwa Sanduku ya Ilaghano.

ZABURI 84:10

Kusinda Hekalunyi kwako ituku jimweri, kwachumba matuku elfu andu kuzima. Ni baa kukaia mlindiri wa mnyango ghwa nyumba ya Mlungu wapo, kuchumba kukaia andenyi ya mizi ya wandu wawiwi.

JEREMIA 35:4

Ngawireda andenyi ya Hekalu ya BWANA, andenyi ya chumba cha wana wa Hanani mwana wa Igdalia, mundu wa Mlungu; cherekoghe kaavui na chumba cha wabaa, naighu ya chumba cha Maaseia mwana wa Shalumu, mlindiri mnyango.

JEREMIA 52:24

Nebuzaradani, mbaa wa majeshi oremdwaeghe Mkohani M'baa Seraia, na mkohani wa kawi Zefania, na walindiri wa mnyango wadadu;

MARKO 12:41

Jesu ukasea kidombo kaavui na isanduku jekumbiria mafunyo, ukizighana sa iji izungu jikumbagha mafunyo andenyi ya jija isanduku. Wandu wengi wiko na mali, wikakumba pesa nyingi.

LUKA 21:1

Nao Jesu ukizighana ukawona wandu wiko na mali wikikumba mafunyo ghawo isandukunyi ja mali ra Hekalu;