2 WAZURI 12:4 - Biblia Ilagho Jiboie Kwa Wandu Wose

⁴ Joashi ukawizera wakohani, “Pesa rose ra vilambo va wueli rifunywagha andenyi ya Hekalu, na ifungu ja kula mundu jipangilo jemfunyira BWANA, na agho wandu wifunyagha kwa ngolo, riredo andenyi ya Hekalu;

2 WAZURI 12:4 Խաչաձեւ Հղումներ

1 WAZURI 3:2

Wandu werekoghe wikifunyira vizongona andu kuzima kuzima, kwa kukaia hekalu erekoghe iseaghilo kwa wundu ghwa BWANA.

1 WAZURI 3:3

Solomoni oremkundeghe BWANA, ukakaia ukighenda kwa kunugha sharia ra ndee Daudi, kasoro tu orekoghe ukifunya vizongona vake andu kotasira mighondinyi.

1 WAZURI 7:1

Solomoni ukaagha ngome yake; nayo eremdwaeghe miaka ikumi na idadu kuimeria.

2 WAZURI 12:18

Joashi mzuri wa Juda ukawada vilambo vose verefunyiroghe kwa wundu ghwa nyumba ya BWANA ni weke ndee Jehoshafati, na Jehoramu, na Ahazia, wazuri wa Juda, chiaimweri na ivo orevifunyireghe moni, ukavineka Hazaeli mzuri wa Siria. Niko Hazaeli ukaghenda chia rake kufuma Jerusalemu.

2 WAZURI 12:5

na wakohani wichariwada wipate kuboisagha Hekalu andu ikundikagha kuboiswa.”

2 WAZURI 14:4

Ndereinjireghe andu kotasira milimu korekoghe mighondinyi, wandu wikakaia wikibwaghia vizongona na kufukiria marumba ahoeni.

2 WAZURI 15:4

Ela sena andu kotasira milimu mighondinyi na kufunya vizongona, na kufukiria marumba ndekoreinjiroghe anduangi.

2 WAZURI 16:4

Ukafunya vizongona na kufukira marumba aighu ya andu kotasira milimu mighondinyi, na aisi ya kiju cha kula mudi mmbishi.

2 WAZURI 17:11

Wikafukira marumba aighu ya kula andu kotasira milimu mighondinyi kara kara na iro mbari BWANA oreriwingieghe imbiri kwawo; wikabonya malagho ghizamie na kumvavira BWANA hata ukabonya machu.

2 WAZURI 22:4

“Jokenyi kwa Mkohani M'baa Hilkia, upate kumneka mtalo ghwa pesa riredelo Hekalunyi kwa BWANA, iro rerekwanyiroghe ni walindiri kufuma kwa wandu;

1 MALAGHO GHA NGELO 18:11

Vilambo ivo wori mzuri Daudi ukavifunya kwa BWANA chiaimweri na feza na dhahabu iyo oreidwaeghe kufuma Edomu, Moabu, na kwa Waamoni, Wafilisti, na Waamaleki.

1 MALAGHO GHA NGELO 29:17

Mlungu wapo naichi kukaia oho kwatimagha ngolo, na kuboilwa ni wandu wecha kwa ishima na kwa wucha ghwa ngolo nakufunyira vilambo ivi vose kwa ngolo, nani nawona wandu wako wiko aha wikikufunyira kwa ngolo na kuzuma.

2 MALAGHO GHA NGELO 15:18

Ukareda Hekalunyi ya Mlungu manosi gherewikiloghe wakfu ni ndee, na agho oreghiwikieghe wakfu moni: feza na dhahabu na vilambo vose.

2 MALAGHO GHA NGELO 31:12

na kwa wuloli wikavingira ivo vilambo vifunyiro; ifungu ja ikumi, na vilambo viwikilo wakfu. M'baa wa kazi orekoghe ukivilindia ni Konamia, Mlawi; wa kawi ni mruna uwangwagha Shimei;

2 MALAGHO GHA NGELO 35:2

Ukawiwika wakohani kazinyi kwawo na kuwikumba ngolo widumike Hekalunyi.

EZRA 1:6

Wandu wose werekwanyeghe wikawitesia kwa vilambo va feza, na dhahabu, na vilambo, nyamandu, na manosi gha zoghori mbaa, na mafunyo kwa wundu ghwa Hekalu.

EZRA 2:69

Werefunyireghe kwa wundu ghwa iyo kazi seji weredimieghe, na mtalo ghwaro ghukakaia kilo maghana masanu ra dhahabu, kilo elfu iwi na maghana wunyanya ra feza, na marwao ighana gha wakohani.

EZRA 7:16

Sena kuwade feza yose na dhahabu kwawuyawusa kufuma kwa wandu isanga jose ja Babuloni, na mafunyo ghose ghifunyiro kwa ngolo ni wandu wa Israeli na wakohani wawo, kwa kukunda kwawo kwa wundu ghwa Hekalu ya Mlungu wawo iyo iko Jerusalemu.

KUFUMA 35:22

Na wandu wose werekundieghe kufunya kwa ngolo, wikacha wose womi na waka; wikareda vipini, pete, bangili, na vilambo va zoghori vose va dhahabu; wikavifunya kwa BWANA.

KUFUMA 35:29

Wandu wose wa Israeli waka na womi, awo ngolo rawo rerenyavurishiroghe wipate kumfunyira BWANA, seji Musa orelaghiriloghe ni BWANA; wikafunya mafunyo ghawo kwa ngolo cha kwa BWANA.

KUFUMA 35:5

Mfunye mafunyo kwa BWANA. Uo ose uko na ngolo efunya, ufunye mafunyo gha dhahabu, feza na shaba;

KUFUMA 36:3

Wikawusa kufuma kwa Musa agho mafunyo ghose ghereredeloghe ni wandu wa Israeli kwa wundu ghoboisa Andu kwa Wueli. Wandu wa Israeli wikachuria kumredia Musa mafunyo ghawo kwa ngolo kula nakesho;

WALAWI 27:31

Mndungi ukakunda kuvikombua, uchachuria mirongo iwi kwa ighana aighu yaro.

LUKA 21:4

angu awo waakumba kufumanya na wungi ghwa mali rawo, ela uo, kwa wukiwa ghwake, wakumba rose uko naro.”