Ukawona seji oredumikilwagha vindonyi, na nyumba rerekailwagha ni wabaa wa serikali yake, na seji wadumiki wake wererwaeghe wikidumika, na wanyoshi wake, na ivo vizongona orefunyagha Hekalunyi, ukashinika na ndighi.
Niko ukafuma chiaimweri na wabaa wa majeshi, na wabaa wa Wakari, na walindiri, na wandu wose; wikamlongoza mzuri kufuma Hekalunyi, wikammarishira Mbengenyi ya Walindiri hata ngomenyi ya mzuri. Ukasea kidombo aighu ya kifumbi chake cha nguma icho chiserelwagha ni wazuri.
Na chija kiwayo cha Sabato chiko andenyi ya Hekalu, na mnyango ghwa cha shighadi kwa wundu ghwa mzuri, ukaghuinja kufuma Hekalunyi kwa BWANA kwa wundu ghwa kumngola-ngola mzuri wa Ashuru.
Nao iji wabaa wa Juda wasikira maza iro, wikacha Hekalunyi kwa BWANA kufuma ngomenyi kwa mzuri, wikasea kidombo vifumbinyi kwawo andu kongiria Mbenge Mbishi ya Hekalu ya BWANA.