2 WAZURI 11:12 - Biblia Ilagho Jiboie Kwa Wandu Wose

¹² Niko Jehoiada ukamfunya uja Joashi mwana wa mzuri, ukamngira kirumbu chongonyi kwake na kumneka chuo cha malaghiro gha wuzuri mkonunyi kwake; wikamdunga mavuda na kumghora kukaia ni mzuri. Wikamkabia chui wikighamba, “Kuduo moyo ee mzuri.”

2 WAZURI 11:12 Խաչաձեւ Հղումներ

1 SAMUELI 10:24

Samueli ukawizera wandu wose, “Mwawona umundu wasaghulwa ni BWANA? Ndekuwadie ungi uko sa uo aghadi ya wandu wose.” Nao wandu wose wikaghora kwa lwaka lubaa, “Mzuri ndeduo moyo luma!”

KUFUMA 25:16

Na oho kuchawika iyo memu nichaakuneka andenyi ya Sanduku.

1 WAZURI 1:39

Niko aho mkohani Zadoku ukawada kilambo cha mavuda kufuma Hemenyi, wikamdunga Solomoni mavuda. Wikakaba tarumbeta, na wandu wose wikaghamba, “Mzuri Solomoni ndeduo moyo!”

2 SAMUELI 1:10

Niko ngasoghoda kaavui nao ngam'bwagha; kwa kukaia nerekoghe na wuloli kukaia ukaghwa uchafwa. Nani ngawusa icho kirumbu cherekoghe chongonyi kwake, na izango jerekoghe kikotonyi kwake; navo hevi bwana wapo nakuredia.”

KUFUMA 31:18

Niko iji Mlungu wameria kudedanya na Musa aighu ya Mghondi ghwa Sinai, ukamneka vishawalata viwi va magho, viko na memu uiandikie moni kwa chala chake.

ISAYA 55:12

“Mchasigha Babuloni kwa kuboilwa, nenyo mchalongozwa cha shighadi kwa sere; mighondi mibaa na mitini ichawoka kubora imbiri konyu, na midi yose iko mlambenyi ichakaba chui.

ZABURI 98:8

Machi ndeghikabe chui, mighondi ndeim'borie BWANA kwa kuboilwa,

ZABURI 47:1

Kabenyi chui inyo wandu wose! M'borienyi Mlungu kwa lwaka lubaa lwa kuboilwa.

2 WAZURI 11:2

Ela Jehosheba, mwai wa Mzuri Joramu, nao ni mruna Ahazia, ukammbwada Joashi mwana wa Ahazia ukamwinja aghadi ya wana wa wazuri wawikwa tayari kubwaghwa, ukamvisa andenyi ya chumba chake chiaimweri na mleli wake. Kwa chia iyo ukamvisa usewono ni Athalia uchebwaghwa.

2 SAMUELI 16:16

Uja mghenyi wa Daudi, Hushai Muariki uendacha kwa Absalomu, ukamzera, “Mzuri uduo moyo! Mzuri uduo moyo!”

1 SAMUELI 10:1

Niko Samueli ukawada chupa ya mavuda, ukamdiria Sauli chongonyi kwake; ukamsusugha ukighamba, “Nechi BWANA nuo wakushinga mavuda kupate kuwibonyera nguma wandu wake Israeli. Kuchabonya nguma aighu ya wandu wa BWANA, na oho kuchawikira wisekabo ni wamaiza wawo wiko mbai mbai yawo. Alama ewonyera kukaia BWANA wakushinga mavuda kukaia mzuri aighu ya wandu wake ni ihi:

WUFUNUO 19:12

Meso ghake gherekoghe sa lumu lwa modo, urwae virumbu vingi chongonyi kwake; nao oko na irina ijo mndungi usedimagha kujimanya, ela uo moni uekeri.

WAEBRANIA 2:9

Ela dammbona Jesu, uo orebonyeroghe mtini kuchumba weke malaika kwa ngelo ndini, eri kwa mvono ghwa Mlungu, upate kufwa kwa wundu ghwa kula mundu; nesi dammbona warushwa kirumbu cha wubaa na ishima, angu orepatireghe matiriro gha kifwa.

WAEBRANIA 1:9

Oho kwaikunda hachi, na kuzamilwa ni kiwiwi; Kwa huwo Mlungu, Mlungu wako wakushingie mavuda, na kukuneka kuboilwa kubaa kuchumba wambenyu.”

2 WAKORINTHO 1:21

Ela Mlungu moni, nuo udimangishagha isi na inyo andenyi ya Kristo; nao wadidumie,

MABONYO GHA WADUMI 4:27

Angu loli Herode na Pontio Pilato, chiaimweri na wandu wa mbari zima na Waisraeli, werekwanyikieghe andenyi ya muzi ughu wilo na mdumiki wako Jesu, uo koremshingieghe mavuda.

MATHAYO 27:29

sena wikaluka kirumbu cha minjwa, wikammbikiria chongonyi kwake, wikamneka mrangi uwadie kwa mkonu ghwake ghwa kiwomi; wikamdungia ngokoro na kumseka wikighamba, “Dua moyo Mzuri wa Wayahudi!”

MATHAYO 21:9

Wandu werekoghe kiimbiri chiaimweri na waja werenughieghe na nyuma wikaghora kwa lwaka lubaa: “Hosana kwa Mwana wa Daudi, Warasimiwa uo uchagha kwa irina ja Bwana; Hosana aighu na ndighi.”

DANIELI 6:21

Niko Danieli ukamtumbulia, “Ee mzuri dua moyo!

DANIELI 3:9

Wikamzera mzuri Nebukadnezari, “Dua moyo ee mzuri!

KILILO CHA JEREMIA 4:20

Wammbwadie mzuri oresaghuloghe ni BWANA, orekoghe asili ya wubanana ghodu; uo deremsuwirieghe uchadilindia disengirilo.

ISAYA 8:20

Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

ISAYA 8:16

Kughufunge ugho wushuhuda na kuikaba muhuri sharia aghadi ya wanughi wapo.

ZABURI 132:18

Nichawifusha waya wamaiza wake, ela wuzuri ghwake ghuchachurikia na kuwona nicha.”

ZABURI 89:39

Kwajichikanyire ilaghano korejibonyereghe na mdumiki wako, na kuchikumba kirumbu chake terinyi.

ZABURI 78:5

Orewikieghe memu kwa kivalwa cha Jakobo, ukawineka wandu wa Israeli sharia; ukalaghira weke aba wirifundishe wana wawo,

ZABURI 21:3

Oho kwamrasimie; kwamrushire kirumbu cha dhahabu ielie chongonyi kwake.

ESTA 6:8

nderedelo marwao gha kiwuzuri agho ghirwalagha ni mzuri moni. Na farasi ijokwagha ni mzuri, iyo irushiro kirumbu cha kiwuzuri chongonyi kwake.

ESTA 2:17

Mzuri ukaboilwa ni Esta kuchumba waka wazima wose. Ndekuwadie ungi sena orerumirikieghe mesonyi kwake kuchumba uo. Nao mzuri ukamngira kirumbu cha kiwuzuri chongonyi kwake, ukam'bonya ukaie malkia wulalo ghwa Vashti.

2 MALAGHO GHA NGELO 23:11

Niko Jehoiada ukamfunya shighadi mwana wa mzuri, ukamrusha kirumbu, ukamneka kopi ya ilaghano wikamghora kukaia ni mzuri. Niko Jehoiada na wana wake wikamshinga mavuda wikighamba, “Mzuri ndeduo moyo luma!”

2 WAZURI 11:4

Ela andenyi ya mwaka ghwa mfungade, Jehoiada mkohani ukaduma wabaa wa Wakari wiche, na wabaa wa walindiri, ukawidwa hata wikavika andenyi ya Hekalu. Ukabonya nawo ilaghano kwa ighemi kunughana na mpango ughubonyere aighu ya mwana wa Mzuri Ahazi, uo Joashi; ukawiwonyera uo mwana wa mzuri.

2 WAZURI 9:3

Niko kuwade ichupa ya mavuda, kumdunge chongonyi kukighamba, ‘BWANA waghamba, Nakushinga mavuda kukaie mzuri aighu ya Israeli.’ Nao kurughuo mnyango, kufume kukimbie; kusemuke.”

1 WAZURI 1:34

na aho mkohani Zadoku na mlodi Nathani wimdunge mavuda uwue mzuri wa Israeli, nao mkabe tarumbeta mghambe, ‘Mzuri Solomoni ndeduo moyo!’

2 SAMUELI 12:30

Daudi ukawusa kirumbu cha dhahabu kufuma chongonyi cha Milkomu chiko na wulemeri ghwa kilo mirongo idadu na isanu, na andenyi yaro korekoghe na lulu iboie; na icho kirumbu chikangirwa chongonyi kwa Daudi, ukadwa wunyika vilambo vingi va ugho muzi va zoghori mbaa.

2 SAMUELI 5:3

Niko wabaa wose wa Israeli wikamchea Daudi aho Hebroni; na Mzuri Daudi ukabonya nawo ilaghano imbiri ya BWANA; nawo wikamshinga Daudi mavuda ukaie mzuri aighu ya Israeli.

2 SAMUELI 2:7

Nenyo mkufungishe ndighi, mkaie na wuwana; kwa kukaia bwana onyu Sauli wafue, na wandu wa Juda wanidunga mavuda nipate kukaia mzuri aighu yawo.”

2 SAMUELI 2:4

Niko wandu wa Juda wikacha, wikamdunga Daudi mavuda ukaie mzuri aighu ya Juda. Nao iji Daudi waghorelwa kukaia wandu wimrikie Sauli ni wa Jabeshi-gileadi,

1 SAMUELI 16:13

Nao Samueli ukawada lwembe lwa mavuda, ukamshinga Daudi mavuda uko aghadi ya waruna; na Roho wa BWANA ukamchea Daudi kwa ndighi kufuma ituku ijo. Niko Samueli ukawuka na kuwuya cha Rama.

1 WAZURI 2:44

Nao mzuri ukamzera Shimei, “Oho kuwawuyamanya kondenyi kwako ugho wuwiwi korem'bonyereghe aba Daudi; kwa huwo BWANA uchakuwunjira ugho wuwiwi kwako kumoni.

2 WAZURI 11:11

Waja walindiri wikakaia kimusi kula mundu na maswagha ghake mkonunyi kwake, kufuma luwaru lwa kusinyi hata luwaru lwa kaskazinyi naimbiri ya Hekalu.

1 WAZURI 1:25

Idime wasea ukabwagha kizongona cha ng'ombe, na ngache ribandie, na ng'ondi kwa wungi, nao wawikaribisha wana wako wose, hata Joabu m'baa wa majeshi, na mkohani Abiathari. Nawo waawuyaja na kunywa imbiri ya Adonija wikighamba, ‘Mzuri Adonija ndeduo moyo.’

2 WAZURI 9:13

Niko shwa wori waja wabaa wa majeshi kula umu wawo ukawada nguwo yake na kuiala aviluwatironyi, Jehu upate kukaia kimusi aighu yaro. Wikakaba tarumbeta wikaghamba, “Jehu nuo mzuri.”

ZABURI 21:4

Orekulombieghe irangi na oho kukamneka; irangi ja matuku mengi, ja kala na kala.