2 WAZURI 10:5 - Biblia Ilagho Jiboie Kwa Wandu Wose

⁵ Niko uo m'baa orekoghe mzighaniri wa ngome, na uo orekoghe mlindiri wa muzi, chiaimweri na vilongozi vimu wikaduma malagho kwa Jehu wikighamba, “Isi de wadumiki wako, nesi dichabonya kula ilagho kuchaakunda dibonye. Ndedichaawika mzuri ungi, deekunda oho kubonye agha kughiwonagha ghaboie.”

2 WAZURI 10:5 Խաչաձեւ Հղումներ

1 WAZURI 20:32

Niko wikarwa nguwo ra magunia viwonunyi kwawo na kungira kamba singonyi kwawo; wikamghendia mzuri wa Israeli wikamzera, “Mdumiki wako Ben-hadadi wakulomba kumsighe ukaie moyo.” Mzuri wa Israeli ukatumbulia, “Waduagha moyo? Uo ni mwanidu.”

1 WAZURI 20:4

Mzuri wa Israeli ukatumbulia, “Sa iji koni kwaghamba ee bwana wapo mzuri ini ne wako, na vose niko navo ni vako.”

2 WAZURI 10:6

Niko Jehu ukawiandikia barua ya kawi ukighamba, “Ikakaia loli moko cha kwapo, na moko tayari kunisikira, mmbwade awo wana wa bwana onyu Mzuri Ahabu, nao muwidumbuo vongo vawo wose, muvirede kwapo kesho ngelo sa ihi cheni aha Jezreeli.” Awo wana mirongo mfungade wa kivalwa cha Ahabu, werekoghe aisi ya wulindiri ghwa wabaa wamu wa muzi ghwa Samaria, nawo werekoghe wikiwilela.

2 WAZURI 18:14

Hezekia ukaduma momu kwa Senakeribu uko Lakishi ukighamba, “Nabonya makosa, nakulomba kusighe kudikaba, nani nichabonya agho ghose kuchaaghamba.” Nao mzuri wa Ashuru ukamtumbulia Hezekia kwa kumkunda ulipe kilo elfu ikumi ra feza, na kilo elfu imweri ra dhahabu.

JEREMIA 27:17

Msakewisikira! Mdumikienyi mzuri wa Babuloni mpate kukaia moyo. Kwaki ado ughu muzi ghuwuyagha ighacho?

MITALO 11:12

Kwani ni ini niwirudishire awandu wose? Ni ini nerewivaeghe hata kunizere wei niwidukeghe laghenyi kwapo seji mleli udukagha mwana uongagha, na kuwighenja ijo isanga korelaghirieghe kuchawineka weke ndee?

JOHANE 12:26

Uo ose ukundagha kunidumikia, ni suti uninughe ini, na andu nichaakaia ini, nikokoni na mdumiki wapo uchaakaia wori; mndungi ukanidumikia, uo moni uchabonyerwa ishima ni Aba.”

JOSHUA 9:11

Vilongozi na wandu wose wikaiagha isangenyi mzedu, wikadizera diwade vindo vimu va charo dichekwana nenyo; dimzere angu isi de wadumiki wenyu, mpate kubonya mapatano nesi.

JOSHUA 9:8

Nawo wikamzera Joshua, “Isi de wadumiki wako.” Joshua ukawizera, “Inyo mo weke ani? Mwafuma hao?”