2 WAZURI 1:14 - Biblia Ilagho Jiboie Kwa Wandu Wose

¹⁴ Wona modo ghwaserie kufuma mlungunyi, ghukawimeria waja wabaa wawi, chiaimweri na wandu wawo mirongo-misanu mirongo-misanu; ela idana nakulomba kuwone irangi japo kukaia ja zoghori.”

2 WAZURI 1:14 Խաչաձեւ Հղումներ

MABONYO GHA WADUMI 20:24

Ela ini sitalie irangi japo kukaia kindo chingi kwapo anduangi, ikakaia tu nadima kuimeria kazi na wudumiki Bwana Jesu uninekie ghojishuhudia Ilagho Jiboie ja mvono ghwa Mlungu.

MAKATANISHO 6:26

Kwadima kumpata malaya kwa zoghori ya kipande cha mkate, ela muka mseli wadabonya mundu ulaghashe vose uko navo.

ZABURI 116:15

Kifwa cha waeli wa BWANA, ni cha zoghori mbaa imbiri kwake.

ZABURI 72:14

Awo wikorongwaghwa na kubonyerwa kinyanya wadawikombua; wawona seji irangi jawo jiko ja zoghori mbaa.

ZABURI 49:8

Wukomboli ghwa irangi jake ghoko na zoghori mbaa, jingi iselipikagha;

1 SAMUELI 26:24

Ola sa iji koni irangi jako jikoghe ja zoghori kwapo idime, wokoni irangi japo ndejikaie ja zoghori mesonyi kwa BWANA, nao unikire na matiriro ghose.”

1 SAMUELI 26:21

Niko Sauli ukaghamba, “Nakosa; wuya mwanwapo Daudi, angu sichaakubonya ilagho iwiwi sena, kwa kukaia irangi japo jekoghe ja zoghori kwako idime. Ola nabonya wukelu, nakosa nandighi.”

2 WAZURI 1:13

Mzuri ukaduma m'baa umu wa kadadu na wandu wake mirongo misanu. Uja m'baa ukaghenda na kughwa maghunyi kwa Elija, ukamvoya ukighamba, “Ee mundu wa Mlungu, nakulomba kuwone irangi japo na ja awa wandu mirongo misanu kukaia ja zoghori imbiri kwako.

2 WAZURI 1:15

Malaika wa BWANA ukamzera Elija, “Seanya nao kusakeobua.” Nao Elija ukawuka ukaseanya nao cha kwa mzuri;